Орыс тілі Солтүстік Корея мектептерінде төртінші сыныптан бастап міндетті түрде оқытылатын пәнге айналды, деп хабарлайды "Интерфакс" мемлекеттік агенттігі Ресей Федерациясы мен КХДР үкіметаралық комиссиясының тең төрағасы болып табылатын табиғи ресурстар және экология министрі Александр Козловқа сілтеме жасап. Бұл жайлы Alash.kz жазды.
Оның айтуына қарағанда, орыс тілі дәстүрлі түрде КХДР-дағы ең танымал шет тілдерінің үштігіне кіреді. Қазір орыс тілін Солтүстік Кореяда 600-ге жуық адам зерттеп жатыр.
Сондай-ақ, Козловтың айтуынша, екі ел жекелеген салалар бойынша қосымша білім беру ісін ұйымдастыру бөлігінде белсенді ынтымақтасқа. Жас талапкерлерді банкирлер, энергетиктер, дәрігерлер, геологтар өткізеді.
"Мысалы, биылғы жылы 29 корей геологы ресейлік геологиялық мекемелер базасында курстардан өтті. Олар іздеу және барлау жұмыстары, зертханалық талдау әдістері, картаға түсіру, мәліметтер базасымен жұмыс істеу сияқты бағыттарды зерттеді", – деді Козлов Мәскеуде өтіп жатқан үкіметаралық комиссияның отырысында.
Еске сала кетелік, биыл, алғаш рет, 21 мамырда Владивостокта Ресей Федерациясы мен КХДР ректорларының форумы өтті.
Орайы келгенде айта кетелік, Ресей президенті Владимир Путин Қазақстанға мемлекетттік сапары қарсаңында елдегі басылымдардың біріне мақала жариялап, қазағы қалың үш облысқа орыс мектептері салынатынын тағы еске салған.
“Ресей Қазақстанда орыс тіліндегі жаңа мектептерді салуға және мектептердегі орыс тіліндегі білім беру сапасын арттыруға қолдау көрсетуде. Жақында Қызылорда, Тараз және Түркістан қалаларында тағы үш мектептің ашылады деп отырмыз” деді ол “Казахстанская правда” газетіне жариялаған мақаласында.
