Қазақстандағы теолог әрі исламтанушы хиджаб киіп, кейін оны шешіп тастау мәселесіне қатысты пікір білдірдіп, “араб емеспін, қазақпын” деу надандық” деп айтты. Бұл жайлы Alash.kz Skifnews.kz ақпарат порталына сілтей отырып жазды.
Теологтың айтуына қарағанда, хиджаб шешу әркімнің өз таңдауы, десе де оны желіге жариялап, дабыра салудың қажеті жоқ.
“Кей блогерлер біраз уақыт хиджаб киіп жүріп, кейін желіде “хиджабты шештім” деп хабарлайды. Оларға біреу күштеп кигізгендей осылай айтады. Бұл дұрыс емес. Бірақ олардың жеке таңдауы. Дегенмен орамалдан бас тарту үшін оны әлеуметтік желілерде хабарлау міндет емес. Одан кейін қазақ халқында ақ жаулыққа ерекше құрметпен қарайды. Сондықтан орамалды тек арабтарға тән деп, “араб емеспін, қазақпын” деу надандық”, – деді теолог Серікжан Еншібайұлы.
