Астанада Республика күні мерекесіне орай ҚР Парламенті Мәжілісінің депутаты, Respublica партиясының төрағасы Айдарбек Қожаназаровтың бастамасымен «Бүркіт пен қазақ болмысы» тақырыбында мәдени-танымдық іс-шара өтті, деп жазады Alash.kz ұлттық порталы.
ҚР Ұлттық академиялық кітапханасында Мәжіліс депутаттары, Паралимпиада чемпиондары, партия мүшелері мен ұлт болмысын тереңірек тануға құштар қала жастары бас қосқан тағылымды іс-шараның басты мақсаты - Мемлекеттік рәмізіміз - ҚР Мемлекеттік Туымызда бейнеленген қыран құстың символикалық мән-мағынасын ашып, қазақ халқының өмірінде айрықша орнын алатын бүркіттің биікке самғаған рухын ұрпақ санасына сіңіре отырып, елдік мұрат пен ұлттық құндылықтарды дәріптеу.
