ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جەرگىلىكتى جەرلەردەگى لاۋازىمدى تۇلعالاردىڭ «قولدارى تازا ەمەس» – ەرلان قوشانوۆ

02 اقپان 2022 149
ءماجىلىس ءتوراعاسى ەرلان قوشانوۆ اۋىل شارۋاشىلىعى مينيسترلىگىندەگى جەمقورلىق ماسەلەسىن سىنعا الدى.

«كەشە پرەزيدەنتپەن وتكەن جيىندا اۋىل شارۋاشىلىعى مينيسترلىگىنە سىن ايتىلدى. بۇل قانشا جىلدان بەرى جالعاسىپ كەلە جاتقان جەمقورلىق. ءبىرىنشى كەزەكتە سۋبسيدياعا بايلانىستى. بۇلاي بولۋ سەبەبى، جەرگىلىكتى جەرلەردەگى لاۋازىمدى تۇلعالاردىڭ «قولدارى تازا ەمەس». ەكىنشىدەن، ءبىزدىڭ زاڭداردىڭ جەمقورلىققا توسقاۋىل قويا الماعاندىعىنان. بۇگىن وسى ماسەلە بويىنشا دەپۋتاتتىق ساۋال جولدانا ما دەپ ءتۇسىپ ەدىم. وكىنىشكە وراي بولمادى، - دەدى ءماجىلىس ءتوراعاسى.

ءوز سوزىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسىل تۇقىمدى مال شارۋاشىلىعى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىنىڭ ەكىنشى وقىلىمدا مينيسترلىكپەن بىرلەسىپ، سول جاعدايلاردى قايتادان قايتالاماۋ ءۇشىن زاڭ تۇرعىسىنان قانداي توسقاۋىل قويۋ كەرەك ەكەنىن قاراستىرۋدى ۇسىندى.
بۇل ماقالا تۋرالى نە ويلايسىز؟