ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۇلتتىق بانك بازالىق مولشەرلەمەنى 10،25%-عا دەيىن كوتەردى

24 قاڭتار 2022 107

رەسپۋبليكا ۇلتتىق بانكىنىڭ اقشا-كرەديت ساياساتى جونىندەگى كوميتەتى بازالىق مولشەرلەمەنى جىلدىق 10،25% دەڭگەيىندە بەلگىلەۋ تۋرالى شەشىم قابىلدادى، دەپ حابارلايدى Azattyq Rýhy.

 


تيىسىنشە، وتىمدىلىكتى ۇسىنۋ جونىندەگى تۇراقتى قولجەتىمدى وپەراسيالار بويىنشا مولشەرلەمە 11،25%، ال وتىمدىلىكتى الۋ جونىندەگى تۇراقتى قولجەتىمدى وپەراسيالار بويىنشا مولشەرلەمە – 9،25% بولادى.

«شەشىم ينفلياسيالىق كۇتۋلەردى تومەندەتۋ جانە ينفلياسيانىڭ 2022 جىلدىڭ سوڭىنا قاراي بەلگىلەنگەن 4-6% نىسانالى دالىزگە كىرۋ قاجەتتىلىگىن ەسكەرە وتىرىپ قابىلداندى»، - دەپ ءتۇسىندىردى ۇلتتىق بانكتىڭ باسپا ءسوز قىزمەتى.


مۇندا الەمنىڭ كوپتەگەن ەكونوميكالارىندا، ونىڭ ىشىندە قازاقستاننىڭ نەگىزگى ساۋدا سەرىكتەستەرى بولىپ سانالاتىن ەلدەردە ينفلياسيا جوعارى دەڭگەيدە بولۋىن جالعاستىرۋدا، ال ىشكى كونيۋنكتۋرا سوڭعى ايلاردا دەزينفلياسيالىق پروسەستەردىڭ بولۋىنا قاراماستان، سۇرانىس جاعىنان دا، ۇسىنىس جاعىنان دا ايتارلىقتاي پروينفلياسيالىق تاۋەكەلدەردىڭ بولۋىمەن سيپاتتالادى.

ۇلتتىق بانكتە 2021 جىلعى جەلتوقساندا قازاقستاندا جىلدىق ينفلياسيا 8،4%-عا دەيىن تومەندەگەنىن ەسكە سالدى. ازىق-تۇلىك ينفلياسياسى جىلدىق ماندە 9،9%-عا دەيىن ايتارلىقتاي تومەندەدى. رەتتەۋشى مۇنى ينفلياسياعا قارسى دەن قويۋ شارالارىن ىسكە اسىرۋمەن جانە جەكەلەگەن ازىق-تۇلىك تاۋارلارىنا جوعارى ايلىق ماندەردىڭ جىلدىق ينفلياسياسىن ەسەپتەۋدەن شىعۋمەن بايلانىستىرادى.

سونىمەن قاتار، ازىق-تۇلىك ەمەس ينفلياسيا 2021 جىلعى جەلتوقسان قورىتىندىسى بويىنشا 8،5%-عا دەيىن جەدەلدەدى، جىلدىق ازىق-تۇلىك ەمەس ينفلياسيانىڭ مۇنداي جوعارى ءمانى 2018 جىلعى مامىردان باستاپ العاش رەت بايقالادى. جانار-جاعار مايعا (23،2%)، اۆتوموبيلدەرگە (14،7%) جانە قاتتى وتىنعا (9،5%)، ونىڭ ىشىندە كومىرگە (9،8%) باعانىڭ ءوسۋى نەگىزگى ۇلەس قوسادى.

بەنزين باعاسىنىڭ جىلدىق ءوسۋى 19،6%-عا، ديزەل وتىنى 46،5%-عا جەدەلدەدى. اقىلى قىزمەتتەردىڭ جىلدىق ينفلياسياسى 2021 جىلعى جەلتوقساندا رەتتەلەتىن كوممۋنالدىق قىزمەتتەرگە، شاشتارازدار، مەيرامحانالار مەن قوناق ۇيلەر قىزمەتتەرىنە باعالاردىڭ نەعۇرلىم قالىپتى ءوسۋى اياسىندا 6،5%-عا دەيىن باياۋلادى (2021 جىلعى قازان – 6،9%، 2020 جىلعى جەلتوقسان – 4،2%).

ورتالىق جىلۋ مەن ىستىق سۋ تاريفتەرىنىڭ تومەندەۋى ناتيجەسىندە رەتتەلەتىن كوممۋنالدىق قىزمەتتەر تاريفتەرىنىڭ ءوسۋى 4،1%-عا دەيىن ءبىرشاما باياۋلادى. بۇل رەتتە ءوسۋ قارقىنى 2020 جىلعى جەلتوقسان دەڭگەيىنەن ءالى دە اسىپ تۇسەدى. تۇرعىن ءۇيدى جالداۋ قۇنىنىڭ بەلسەندى ءوسۋى جالعاسۋدا (2021 جىلعى جەلتوقساندا 19،8%). سونداي-اق، سۇرانىستىڭ ارتۋىنا بايلانىستى 2021 جىلعى جەلتوقساندا كولىك قىزمەتتەرىنىڭ جەكەلەگەن تۇرلەرىنە باعانىڭ كۇرت ءوسۋى بايقالدى.

«بازالىق ينفلياسيانىڭ تراەكتورياسى ينفلياسيالىق پروسەستەردىڭ باياۋلاۋىنىڭ تۇراقسىزدىعىن كورسەتەدى. 2021 جىلعى تامىز-قاراشاداعى باياۋلاۋدان كەيىن بازالىق ينفلياسيانىڭ ءارتۇرلى باعالاۋلارى نىسانالى دالىزدەن جوعارى قالىپتاسىپ، 2021 جىلعى جەلتوقساندا جەدەلدەتۋدى تاعى دا كورسەتەدى. بۇل رەتتەلمەيتىن تاۋارلار مەن قىزمەتتەر باعاسىنىڭ جوعارى وسۋىنە بايلانىستى»، - دەلىنگەن حابارلامادا.


اقشا-كرەديت ساياساتى جونىندەگى كوميتەتتىڭ بازالىق مولشەرلەمە بويىنشا كەزەكتى جوسپارلى شەشىمى 9 ناۋرىزدا ساعات 15:00-دە جاريالانادى.

بۇل ماقالا تۋرالى نە ويلايسىز؟