ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«ديكيي ارمان» تەرگەۋ يزولياتورىنان جوعالىپ كەتكەن

02 اقپان 2022 182
قاڭتار وقيعاسى كەزىندە الماتىدا الاڭعا شىققان «ديكيي ارمان» لاقاپ اتىمەن تانىمال ارمان جۇماگەلدييەۆتى قۇقىق قورعاۋ ورگاندارى قاماۋعا العان ەدى. ال، بۇگىن الەۋمەتتىك جەلى مەن باق-تا ونىڭ تەرگەۋ يزولياتورىندا جوق ەكەنى تۋرالى اقپارات تارادى.

دالىرەك ايتساق، بۇگىن جۇماگەلدييەۆتىڭ ادۆوكاتى تالعات ەسىموۆ ءوزىنىڭ الەۋمەتتىك جەلىدەگى پاراقشاسىنا ۇلتتىق قاۋىپسىزدىك كوميتەتىنىڭ الماتى قالالىق دەپارتامەنتىنىڭ ۋاقىتشا ۇستاۋ يزولياتورىنىڭ جانىندا تۇرعان ۆيدەوسىن جۇكتەدى.

«بىزگە بەيرەسمي دەرەككوزدەر بويىنشا بەلگىلى بولعانداي، قورعاۋىمىزداعى ارمان جۇماگەلدييەۆتى وسى جەرگە اكەلگەن. ءبىراق، ءقازىر ول ەشقايدا جوق. دەپارتامەنتتىڭ كەزەكشىسى يزولياتوردىڭ تەلەفونىن بەرە المادى»، - دەيدى تالعات ەسىموۆ.

وسى سوزدەردەن كەيىن ول ارى قاراي دەپارتامەنت عيماراتىنا كىرگىسى كەلگەنمەن، ەسىكى جابىق ەكەنىن كورسەتەدى. ادۆوكاتتىڭ ايتۋىنشا، قۇزىرلى ورگاندار جۇماگەلدييەۆتىڭ قايدا ەكەنىنە قاتىستى ازىرگە جاۋار بەرمەگەن.
بۇل ماقالا تۋرالى نە ويلايسىز؟