ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۋتيليزاسيالىق الىمدى جويۋ - ەكولوگيالىق اپات - سكليار

04 ماۋسىم 2024 306

بۇل تۋرالى ءبىرىنشى ۆيسە-پرەمەر رومان سكليار Primeminister.kz سايتىنا بەرگەن سۇحباتىندا ايتتى.

قازىرگى تاڭدا قازاقستاندا 20 ملن تۇرعىنعا شاققاندا 5 ملن-نان استام اۆتوموبيل بار. بارلىق كەدەرگىلەردى، سونىڭ ىشىندە 3 جىلدان اسقان اۆتوموبيلدەرگە تىركەۋ الىمىن الىپ تاستاۋ ەسكى ماشينالاردىڭ ەلىمىزگە كوپتەپ جەتكىزىلۋىنە، ەكولوگيالىق جاعدايدىڭ ەداۋىر ناشارلاۋىنا اكەلىپ سوعادى، دەپ حابارلايدى Alash.kz cايتى inbusiness.kz كە سىلتەپ.

"ادامداردان “ءسىز وسىنداي ەسكى كولىكتەردەن بولىنەتىن زياندى گازبەن دەمالعىڭىز كەلە مە؟” دەپ سۇراۋ كەرەك. بارلىق پىكىر ەسكەرىلۋى قاجەت. سونداي-اق ءبىزدىڭ زاۋىتتارعا بارىپ، وندا جۇمىس ىستەيتىن ادامدارمەن سويلەسۋگە كەڭەس بەرەر ەدىم. كاسىپورىنداردا لوكاليزاسيا وتە جوعارى، ونىڭ ىشىندە بۇل اۋىلشارۋاشىلىق تەحنيكاسىنا قاتىستى: بارلىق قوندىرمالار، تىركەمە جابدىقتارى، كابينالار دانەكەرلەۋ، بوياۋ، كەسۋ، ءيىلدىرۋ بويىنشا تەحنيكالىق وپەراسيالار جۇزەگە اسىرىلادى.

ءبىزدىڭ باستى مىندەتىمىز — لوكاليزاسيانى ارتتىرۋعا ۇمتىلۋ. ۇكىمەتتىڭ قازىرگى العا قويعان ماقساتى – ەلىمىزگە مۇمكىندىگىنشە كوپ پايدا اكەلۋ ءۇشىن ىلەسپە وندىرىستەردى قۇرۋ. وتكەن جىلى وتاندىق اۆتووندىرۋشىلەر 142 مىڭ اۆتوموبيل شىعاردى. وسى جاڭا كولىكتەردى ساتىپ العاندار ۋتيليزاسيالىق الىم تولەگەن جوق.

ءبىز ءاربىر ازامات ءوسۋ بەنەفيسيارى بولىپ تابىلاتىن ءوز ءوندىرىسىمىز بەن ونەركاسىبىمىزدىڭ دامۋىن ىنتالاندىرامىز"، - دەپ اتاپ ءوتتى رومان سكليار.

بۇل ماقالا تۋرالى نە ويلايسىز؟