ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

توقايەۆ قۇلىبايەۆتىڭ كوميتەتىن مەملەكەتتىك قارجىلاندىرۋدان ايىردى

18 اقپان 2022 108

سپورت جانە دەنە شىنىقتىرۋ ىستەرى كوميتەتى 1 ساۋىردەن باستاپ ۇلتتىق وليمپيادا كوميتەتىمەن كەلىسىمشارتتى مەرزىمىنەن بۇرىن بۇزادى.

مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس، مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى بۇدان بىلاي سپورتشىلاردى جارىستارعا دايىنداۋ ءۇشىن وليمپيادا كوميتەتىن قارجىلاندىرمايدى.

سونىمەن بىرگە، اعىمداعى جىلدىڭ قاڭتار-ناۋرىز ايلارىنداعى سپورتتىق-قارجىلىق كۇنتىزبەگە سايكەس، 1 ساۋىرگە دەيىن بارلىق ەڭبەك شىعىندارى، سونىڭ ىشىندە كەلىسىم-شارت بويىنشا، كەڭسە جانە قويمانى جالعا الۋ، بانك قىزمەتتەرى، فەدەراسيا قىزمەتتەرى، سىرتقى ءىس-شارالار بويىنشا شىعىندار وتەلەدى. باسقا شىعىندار قارجىلاندىرۋعا قابىلدانبايدى.

«بۇگىنگى كۇنى كوميتەت كەلىسىمدى ورىنداۋ اياسىندا الدىن الا 800 ميلليون تەڭگە اۋداردى. قالعان شىعىندار اياقتالعانى تۋرالى سەرتيفيكات العاننان كەيىن وتەلەدى» دەلىنگەن حابارلامادا.

سپورت كوميتەتىنىڭ باسپا ءسوز قىزمەتى بۇل اقپاراتتى راستادى. ءبىراق ۇلتتىق وليمپيادا كوميتەتى ونى راستامادى دا، جوققا جا شىعارمادى.

2015 جىلدان بەرى ۇلتتىق وليمپيادا كوميتەتىنىڭ پرەزيدەنتى قىزمەتىن قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ كۇيەۋ بالاسى تيمۋر قۇلىبايەۆ اتقاردى.



دەرەككوز
بۇل ماقالا تۋرالى نە ويلايسىز؟