ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بەرگەي رىسقالييەۆ نازاربايەۆتى لوندوننان تاۋىپ الدى

19 اقپان 2022 83

اتىراۋ وبلىسىنىڭ بۇرىنعى اكىمى بەرگەي رىسقالييەۆ لوندونداعى قىمبات ۇيلەرىنىڭ ءبىرى One Hyde Park الدىندا بولجام بويىنشا تۇڭعىش پرەزيدەنت نۇرسۇلتان نازاربايەۆتىڭ وققاعارلارىن ۆيدەوعا ءتۇسىرىپ الدى.

بۇل تۋرالى ۆيدەونى بەرگەي رىسقالييەۆ ءوزىنىڭ Instagram پاراقشاسىندا جاريالادى.

قاسىندا جينالعان جۇرتشىلىقپەن بىرگە ايقايلاپ، نۇرسۇلتان نازاربايەۆتىڭ شىعۋىن تالاپ ەتتى. «نازاربايەۆ – ۇرى! نازاربايەۆ – قازاقستاننىڭ جاۋى!» دەگەن ۇراندار ايتىلدى.

– مىنا جەردە ديكتاتور نازاربايەۆ ءوز قازاقتارىنان قاشىپ كەلدى. بۇل قازاقتىڭ جاۋى. ول – ءنومىرى ءبىرىنشى ۇرى. ونى بىلە بەرىڭىزدەر. سەبەبى، بۇل سياكتى ۇرى قازاقستاننان 200 ميلليارد ۇرلاپ كەتكەن. ەكى بۋىن قازاقتاردى تاقىرعا وتىرعىزعان. بۇنداي ۇرى دۇنيە جۇزىندە جوق. ءوز قازاقتارىنان قاشىپ، 50 وققاعارىمەن بىرگە ءقازىر عانا قاشىپ كەتتى، – دەدى بەرگەي رىسقالييەۆ.

ەسكە سالساق، بەرگەي رىسقالييەۆ 2006-2012 جىلدار ارالىعىندا اتىراۋ قالاسى مەن اتىراۋ وبلىسىنىڭ اكىمى قىزمەتىن اتقارعان. 2013 جىلى ەكس-اكىمگە اسا ءىرى كولەمدە بيۋدجەت قاراجاتىن جىمقىردى جانە قىلمىستىق توپ قۇردى دەگەن ايىپ تاعىلعان بولاتىن.

تەرگەۋ بەس جىلعا سوزىلىپ، 2019 جىلى قازاقستاندىق سوت بەرگەي رىسقالييەۆتى 17 جىلعا، ونىڭ اعاسى، ءماجىلىستىڭ ەكس-دەپۋتاتى ارمانجان رىسقالييەۆتى 16 جىلعا باس بوستاندىعىنان ايىردى. ەكى ۇكىم دە سىرتتاي شىعارىلدى.

2020 جىلدىڭ جازىندا قازاقستاندىق سوت بەرگەي رىسقالييەۆتىڭ وتباسى مەن جاقىندارىنان تاركىلەنگەن مۇلىكتىڭ «ءبىر بولىگىن» قايتارۋدى بۇيىردى. رىسقالييەۆتىڭ مۇلكىن قايتارۋعا قاتىستى كاسساسيالىق شاعىمىن قازاقستاننىڭ باس پروكۋراتۋراسى بەرىپ، ونى جوعارعى سوت تەز ارادا ماقۇلدادى.



دەرەككوز
بۇل ماقالا تۋرالى نە ويلايسىز؟