ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

توقايەۆ ارقاسىنا ۇتىك باسىلعان تالدىقورعاندىق ازامات تۋرالى پىكىر ءبىلدىردى

18 اقپان 2022 74

قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ Qazaqstan تەلەارناسىنا سۇحبات بەردى. سۇحبات بارىسىندا «قاڭتار وقيعاسىنا» قاتىستى سۇراقتار قويىلىپ، مەملەكەت باسشىسى جاۋاپ بەردى.

– ءبىز قارالى، قاسىرەتتى كۇندەردى باستان وتكەردىك. ونى مويىنداۋىمىز كەرەك. تاۋەلسىزدىك جىلدارى كوپتەگەن سىناققا تاپ بولدىق. ونى ەل بولىپ ەڭسەردىك. ءبىراق ءدال وسىنداي قاراقشىلاردىڭ ارەكەتىن ءبىرىنشى رەت كورىپ وتىرمىز. وتانىنا قىزمەت ەتەتىن ازاماتتار مۇنداي وپاسىزدىققا بارمايدى. كەيبىر توپتار جاعدايدى ءوز مۇددەسىنە پايدالانعىسى كەلدى. بۇل – توڭكەرىس دەگەن ءسوز، – دەدى ول.

پرەزيدەنت قاراپايىم ازاماتتاردىڭ وزدەرى جاقسى كورەتىن قالاسىن بۇلاي قيراتپايتىنىنا سەنىمدى. مەملەكەت باسشىسىنىڭ ايتۋىنشا، قاراقشىلاردىڭ باستى ماقساتى دۇكەندەردى توناۋ، ايەلدەردى زورلاۋ جانە بيلىكتى توڭكەرۋ.  

– مەن بۇل ماسەلەلەردى جاقسى بىلەمىن. «شاش ال دەسە، باس الاتىن» ارەكەتتەرگە توسقاۋىل قويۋعا تاپسىرما بەردىم. قوعامدىق كوميسسيالار ءوز جۇمىسىن باستادى. ولاردىڭ جۇمىسىنا كۇشتىك قۇرىلىمدار دا، مەن دە ارالاسپايمىن، – دەدى پرەزيدەنت.



دەرەككوز
بۇل ماقالا تۋرالى نە ويلايسىز؟