قازاقستاندىق كاسىپكەر، قوعام قايراتكەرى، 1990 جىلدارى نۇرسۇلتان نازاربايەۆتىڭ شتاتتان تىس كەڭەسشىسى بولعان بولات ءابىلوۆ ساياساتقا ورالۋى تۋرالى، اعايىندى نىعماتۋلليندەرمەن بولعان جانجالدى ۆيدەو تۋرالى ايتتى.
سونداي-اق، بولات ءابىلوۆ زامانبەك ءنۇرقادىلوۆتىڭ قازاسىنا بايلانىستى دەرەكتەرمەن ءبولىستى.
راحات الييەۆ ءنۇرقادىلوۆتى ولتىرۋگە تاپسىرىس بەردى دەگەنگە سەنبەيمىن. ول بۇنى ىستەي المايتىن ەدى. 2005 جىلى وز-وزىنە قول جۇمساپ قايتىس بولدى دەدى. ءۇيىنىڭ ماڭىندا جۋرناليستەر بولدى. قالالىق ىشكى ىستەر ءبولىمى باسشىسىنىڭ ورىنباسارى بولعان بۋگايەۆتەن ۇيگە كىرگىزۋدى سۇرادىم. زامانبەك پەن ماقپالدى جاقسى تانيتىنىمدى ايتىپ، كوڭىل ايتپاقشى بولدىم. ولار ماعان «ماقپال ماس، ەشتەڭە ءتۇسىنىپ وتىرعان جوق، سول كىنالى» دەدى. سول كەزدە ولار بولعان وقيعاعا ماقپالدى كىنالى ەتپەك بولعانىن تۇسىندىك. كوڭىل ايتۋعا بارعاندا «ماقپال، ساعان ايىپ تاققىسى كەلەدى» دەدىم. ول نە ءۇشىن ەكەنىن سۇراپ، تاڭقالدى. ادۆوكات كەرەك ەكەنىن ايتتىم. وقيعا ورنىندا ەكى جەردەن تەسىلگەن جاستىق بولدى. وقتىڭ داۋسى ەستىلمەۋ ءۇشىن جاستىق ارقىلى وزىنە اتقان دەدى. ادامدار زامانبەك سەكىلدى بەلگىلى ادامداردى ءولتىرىپ جاتقاندا، قاراپايىم جۇرتقا نە ىستەيدى دەپ ويلايدى. بۇل پرەزيدەنتتىك سايلاۋعا ءۇش اپتا قالعان كەزدە بولعان وقيعا ەدى، – دەپ ەسكە الدى ءابىلوۆ.
[embed]https://www.youtube.com/watch؟v=Gwa1NM2NaFw[/embed]
دەرەككوز
