ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"سىيلاستىقتى ساقتايىق!" - ق ر مينيسترلىگى ياكۋشيەۆتىڭ "قازاقستانعا تاققان ايىبىن" جوققا شىعاردى

10 ءساۋىر 2024 167

قازاقستان رەسپۋبليكاسى سۋ رەسۋرستارى جانە يرريگاسيا مينيسترلىگى قازاقستان تاراپىنا ايىپ تاقپاق بولعان ۆلاديمير ياكۋشيەۆتىڭ مالىمدەمەسىن جوققا شىعاردى،دەپ حابارلايدى Alash.KZ ۇلتتىق پورتالى. 

توبىل وزەنىنىڭ بويىنداعى سۋ رەسەيدەن كەلەدى. تيىسىنشە، سۋ جىبەرۋ تۋرالى شەشىم رەسەي تاراپىنان كەلەتىن اعىنعا ساي قابىلدانادى. سوندىقتان، قازاقستان رەسەيدەگى سۋ تاسقىنىنا اسەر ەتەدى دەپ ايتۋ دۇرىس ەمەس. بۇل شىندىققا جاناسپايدى.

2 ساۋىردەن باستاپ قازاقستان جاعى رەسەي تاراپىنا توبىل وزەنى بويىنشا سۋ وتكىزۋ جونىندەگى شەشىمدەر تۋرالى اقپارات بەرىپ وتىر.

تاراپتار تاۋلىك بويى سۋ اعىنىنىڭ ۇلعايۋىنا نەمەسە ازايۋىنا قاراي مالىمەت الماسادى. سول سەبەپتى كەز-كەلگەن كەلىسىلمەگەن ارەكەت تۋرالى ءسوز جوق.

قازاقستاندىق تاراپ رەسەي جاعىمەن سىيلاستىق، كورشىلىك ارىپتەستىك رۋحىندا ىنتىماقتاستىقتى ءارى قاراي جالعاستىرۋعا، اقپارات الماسۋعا دايىن، -دەدى مينيسترلىك. 

ەستەرىڭىزدە بولسا، رەسەيدىڭ تابيعي اپاتپەن كۇرەسكە كەلگەندەگى دارمەنسىزدىگىنە قازاقستان "كىنالى بولعان" ەدى. اتاپ ايتقاندا،رەسەي پرەزيدەنتى ۆلاديمير ءپۋتيننىڭ وكىلەتتى وكىلى قورعان مەن تۇمەن وبلىستارىنداعى بولعان سۋ تاسقىنىنا بولا قازاقستاندى ايىپتاعان.

ەگەر قازاقستان ءوز بوگەندەرىندەگى سۋدى اعىزۋ جاعىن بىزبەن جاقسىراق كەلىسسە، قورعان جانە تۇمەن وبلىستارىنداعى سۋ تاسقىنىنىڭ سالدارى اسا اۋىر بولماس ەدى، دەدى رەسەي فەدەراسياسى پرەزيدەنتىنىڭ ورال فەدەرالدى وكرۋگىندەگى جارتى ءتوراعاسى ۆلاديمير ياكۋشيەۆ. بۇل جايلى ياكۋشيەۆ ربك-عا بەرگەن سۇحباتىندا مالىمدەدى.

"بىزگە قىتىمىر قىس بولعاندا، قار كوپ مولشەردە جاۋعاندا، سۋ قويماسىندا سۋدىڭ جەتكىلىكتى ۇلكەن قورى جينالعاندا سۋ قويمالارىنداعى سۋدى اعىزۋ تەتىكتەرىن جۇيەلەۋ كەرەك. سەبەبى، مۇنىڭ ءبارى كەلىسىلىپ، سۋدىڭ بىركەلكى جانە دۇرىس ءبولىنىپ اققانى ءجون. سوندىقتان بىزدە ارىپتەستەرىمىزبەن [قازاقستاننان] رەتتەيتىن، باسىن اشىپ الاتىن دۇنيە وتە كوپ"، — دەدى ول. ونىڭ ايتۋىنشا، قورعان جانە تۇمەن وبلىستارىنداعى سۋ تاسقىنى پروبلەمالارىنىڭ الدىن الۋعا بولار ەدى،- دەگەن بولاتىن ياكۋشيەۆ.

بۇل ماقالا تۋرالى نە ويلايسىز؟