ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

1 013 باس مال ولگەن. سۋ تاسقىنىنان قىرىلعان مالعا وتەماقى قالاي تولەنەدى؟

08 ءساۋىر 2024 212

ەلىمىزدىڭ سۋ باسقان ايماقتارىندا 1 013 باس مال، سونىڭ ىشىندە 133 ءىرى قارا جانە 809 باس ۇساق مال ولەكسەلەرى ورتەلىپ، جويىلدى. بۇل تۋرالى اۋىل شارۋاشىلىعى مينيسترلىگىنىڭ رەسمي وكىلى ولجاس تلەبالدين ءمالىم ەتتى.

"سۋ باسقان وڭىرلەردە 60 مىڭنان استام مال ءقاۋىپسىز جەرگە كوشىرىلدى. اتاپ ايتقاندا، اقمولا وبلىسىندا 18،8 مىڭ باس، قوستاناي وبلىسى 12،9 مىڭ باس، اقتوبە جانە اتىراۋ وبلىسىندا 10 مىڭ باستان جوعارى، بقو-دا 4،5 مىڭ باس جانە قاراعاندى وبلىسىندا 1،5 مىڭ باس مال مەن ءۇي جانۋارلارى قۇتقارىلدى. جەدەل اقپاراتقا سايكەس، سۋ تاسقىنى سالدارىنان رەسپۋبليكانىڭ 7 وڭىرىندە 5 711 باس مال ءولدى، ونىڭ ىشىندە 1 137 ءىرى قارا جانە 4 051 ۇساق مال بار"، – دەدى ول.

بۇگىندە شىعىن بولعان مال (ءۇي جانۋارلارى) ولىكسەلەرىن جيناۋ جانە جويۋ جۇمىستارى جالعاسىپ جاتىر.

"ول ءۇشىن 90 بىرلىك تەحنيكا مەن قىزمەتكەرلەر شتاتى جانە ولەكسەلەردى جويۋ شارالارى ءۇشىن قاجەتتى ديزەنفەكسيالىق زاتتار قاراستىرىلعان. بۇگىنگى تاڭدا 1 013 باس مال، سونىڭ ىشىندە 133 ءىرى قارا جانە 809 باس ۇساق مال ولەكسەسى ورتەلىپ، جويىلدى"، – دەيدى رەسمي وكىل.

ايتا كەتەيىك، اۋىل شارۋاشىلىعى ءمينيسترى، ۆيسە-مينيسترلەر جانە ۆەتەريناريالىق باقىلاۋ جانە قاداعالاۋ كوميتەتىنىڭ باسشىسى سۋ باسقان ايماقتاردى ارالاپ ءجۇر.

"مال يەلەرىنە وتەماقى تولەۋگە قاتىستى سايكەس الگوريتم ازىرلەندى، حالىققا جانە زالال انىقتاۋ جونىندەگى كوميسسيانىڭ نازارىنا جەتكىزىلەدى. جالپى، سۋ تاسقىنىنىڭ الدىن الۋ جانە جويۋ ماسەلەلەرى، سونداي-اق وڭىرلەردەگى ەپيزووتيالىق جاعداي مينيسترلىكتىڭ تۇراقتى باقىلاۋىندا"، – دەدى ولجاس تلەبالدين.

بۇل ماقالا تۋرالى نە ويلايسىز؟