بەلگىلى جۋرناليست، قوعام بەلسەندىسى دينا تولەپبەرگەن زورلىق-زومبىلىقتىڭ قۇربانى بولعان ايەلدەر تۋرالى تىڭ مالىمەت جاريالادى، دەپ حابارلايدى Alash.kz.
ول ءوز ينستاگرام پاراقشاسىندا جازبا جاريالادى.
“بۇگىن سالتاناتتىڭ سوققىعا جىعىلعان كەي ۆيدەولارىن كورىپ، جۇرەگىمىز قانجىلادى. قانداي جاۋىزدىق… ءبىراق جازىقتىنىڭ ءبىر كۇرسىنگەنىن بايقامادىم. ءوزىن اقتاپ، قيىننان قيىستىرىپ الەك. بۇل سوت بارلىق شوۋدىڭ تورەسى بولدى-اۋ”، – دەپ جازدى تەلەجۇرگىزۋشى.
سونىمەن قاتار كۇيەۋىنەن تاياق جەپ، اجال قۇشاتىن ايەلدەردىڭ ستاتيستيكاسىن دا جاريالادى.
“ستاتيستيكاعا سەنسەك، ەلىمىزدە جىل سايىن كەمى 80 ايەل كۇيەۋىنىڭ قولىنان قازا تابادى ەكەن. 5 مىڭ ايەل سوققىنىڭ قۇربانى بولىپ جاتىر. بۇل پوليسيادا تىركەلگەن ىستەر عانا. راسىندا، قانشاما ايەل ۇندەمەي ۇرەيلەنىپ، تاياقتىڭ استىندا كۇن كەشىپ وتىر. ەگەر ءسىزدى كۇيەۋىڭىز ۇرىپ-سوقسا، باسىڭىزدى بۇقپاڭىز. دابىل قاعىڭىز! قىزعا قول كوتەرگەن قىلمىسكەر تۇرمەگە ءومىر بويىنا توعىتىلسىن!”، – دەپ اشىندى دينا تولەپبەرگەن.
