ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شىمكەنت قاڭعىباس يت پەن مىسىقتاردى اسىراۋعا 769 ملن تەڭگە جۇمساعان

05 ءساۋىر 2024 110

شىمكەنتتىڭ مىڭنان استام قاڭعىباس جانۋارلار جاقىن ارادا مىسىقتار مەن يتتەرگە ارنالعان جاڭا ءتالىمباققا ورنالاستىرىلادى. جاڭا عيمارات زاماناۋي جابدىقتاردى ورناتقاننان كەيىن پايدالانۋعا بەرىلەدى. وندا جانۋارلاردى تەكسەرىپ قانا قويماي، كۇردەلى اۋرۋلارىن ەمدەۋگە بولادى ەكەن. جاقىندا شىمكەنتتە جانۋارلاردى زارارسىزداندىرۋ جانە چيپتەۋ باستالىپتى. 

ءبىر ءبولىم يتتەرگە ارنالعان، ءدال وسى جەردە ۇيسىزدەر ۇستالادى. قورشاۋدا ەكى بولمە بار، بىرەۋى جازعى، ەكىنشىسى قىسقى ماۋسىمعا ارنالعان. ءتىپتى قالدىقتاردى جيناۋ مەن توگۋ ءۇشىن ارنايى جۇيە ورناتىلعان. مىسىقتارعا ارنالعان قورشاۋلاردا ءۇش جۇزدەن استام جانۋاردى ورنالاستىرۋعا بولادى. وندا جىلىتۋ جۇيەسى اۆتوماتتى، عيماراتتا بەينەباقىلاۋ كامەراسى دا ورناتىلعان. جاڭا ءتالىمباقتى سالۋ ءۇشىن جەرگىلىكتى بيۋدجەتتەن 769 ملن. تەڭگە جۇمسالعان.

ابزال مەتەروۆ، شىمكەنت قالاسى قۇرىلىس باسقارماسىنىڭ ءبولىم باستىعى: «مۇندا بىزدە وپەراسيا بولمەسى بار، ءبىز زاماناۋي جابدىقتار اكەلىندى، ەندى قوسامىز. انەستەزياعا، ەكگ جۇرگىزۋگە جانە كۇردەلى اۋرۋلاردى انىقتاۋعا بولادى. وپەراسيالىق بلوك بارلىق سوڭعى تەحنولوگيالار بويىنشا جابدىقتالادى، سونداي-اق اۋرۋلاردى ەرتە ساتىسىندا انىقتاي الاتىن ارنايى اپپارات بولادى، دەيدى. 

ايتا كەتەيىك، شىمكەنت قالاسىندا قاڭعىباس جانۋارلارمەن كۇرەس ماسەلەسى بىرنەشە جىلدان بەرى وزەكتىلىگىن جوعالتپاي وتىر. تۇرعىندار وزدەرىنىڭ قاۋىپسىزدىگى ءۇشىن الاڭداۋلى. بۇگىنگى تاڭدا شىمكەنت كوشەلەرىندە 300-دەن استام قاڭعىباس جانۋار بار. ال ولاردى چيپتەۋ جانە كاستراسيالاۋ ماسەلەسى ءالى شەشىلمەگەن. جاۋاپتىلار بايقاۋ ناتيجەلەرىن كۇتىپ وتىرعانىن، مەردىگەر انىقتالسا، قاجەتتى جۇمىستار باستالاتىنىن جەتكىزدى.

بۇل ماقالا تۋرالى نە ويلايسىز؟