مەملەكەت باسشىسى جوعارى اۋديتورلىق پالاتانىڭ ءتوراعاسى ءاليحان سمايىلوۆتى قابىلدادى، - دەپ حابارلايدى Alash.kz اقورداعا سىلتەمە جاساپ.
كەزدەسۋ بارىسىندا مەملەكەتتىك اۋديت جانە قارجىلىق باقىلاۋ جۇيەسىنىڭ تيىمدىلىگىن ودان ءارى ارتتىرۋ ماسەلەلەرى تالقىلاندى.
پرەزيدەنت جوعارى اۋديتورلىق پالاتاعا بيۋدجەت قاراجاتى مەن مەملەكەت اكتيۆتەرىنىڭ ءتيىمدى جانە راسيونالدى جۇمسالۋىن رەسپۋبليكالىق، سونداي-اق جەرگىلىكتى دەڭگەيدە قاتاڭ باقىلاۋدى قامتاماسىز ەتۋ مىندەتى جۇكتەلەتىنىن ايتتى.
ءوز كەزەگىندە ءاليحان سمايىلوۆ مەملەكەتتىك اۋديت جۇيەسىن ودان ءارى دامىتۋ جونىندەگى وي-پىكىرىن جەتكىزدى، سونداي-اق ۆەدومستۆونىڭ وسى جىلعا ارنالعان جوسپارى تۋرالى باياندادى.
كەزدەسۋ سوڭىندا قاسىم-جومارت توقايەۆ ءاليحان سمايىلوۆتىڭ مول تاجىريبەسى مەن كاسىبي بىلىكتىلىگى جۇكتەلگەن مىندەتتى ساپالى ورىنداۋعا سەپتىگىن تيگىزەتىنىنە سەنىم ءبىلدىردى.
