ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"وتباسىمىزعا وشپەندىلىك". بيشىمبايەۆتىڭ اناسى ادۆوكات دجوحار وتەبەكوۆتىڭ ۇستىنەن شاعىم ءتۇسىردى

05 ءساۋىر 2024 1879

ادۆوكات دجوحار وتەبەكوۆ قۋاندىق بيشىمبايەۆتىڭ اناسى الميرا نۇرلىبەكوۆا ءوزىنىڭ ۇستىنەن قازاقستاننىڭ ادۆوكاتتار القاسىنا شاعىم تۇسىرگەنىن مالىمدەدى، دەپ حابارلايدى alash.kz سايتى.

«بيشىمبايەۆتىڭ اناسى مەنىڭ ۇستىمنەن ارىز جازدى! ول ادۆوكاتتارىنىڭ سۇراقتارىنا سىن ايتقانىما شاعىمدانعان. ال شىن مانىندە ولاردى بۇكىل ەل سىناپ جاتىر! ولار جاقسىلىق پەن زۇلىمدىقتان اسىپ تۇسەدى، زاڭ مەن مورالدان الشاق. ءبىراق بيشىمبايەۆتار مەنەن عانا كىنا تاۋىپتى. بيشىمبايەۆتىڭ اناسى مەنىڭ الەۋمەتتىك جەلىدەگى جازبالارىما پىكىر جازۋشىلاردى باقىلامايتىنىمدى ايتقان. سودان كەيىن بيشىمبايەۆتار مەنىڭ ۇستىمنەن جازعان نەگىزگى شاعىمعا كوشەيىن: «مەن سۋديانىڭ ارەكەتىن سىناعان ەكەنمىن»! مىنە، بۇل - تۇزدىعى! بيشىمبايەۆتار سۋديا قۇلبايەۆانى نەگە سونشا قورعاپ وتىر؟ ولار وعان نەگە سونشا جابىسىپ العان؟»، - دەپ جازادى دجوحار وتەبەكوۆ.

ادۆوكات سوت وتىرىسىندا قورعاۋشىنىڭ قازا تاپقان سالتاناتتىڭ جابىرلەنۋشى اعاسىنا قانداي سۇراقتار قويعانىن ەسكە الادى:

  1. ءسىز قارىنداسىڭىزدىڭ ميىندا تەسىك بار ەكەنىن كوردىڭىز بە جانە ونىڭ كوزى اعىپ كەتكەن بە؟
  2. ەر ادامدارمەن قارىم-قاتىناستا سالتانات باسىم بولدى ما؟
  3. ءسىز نەگە سالتاناتتىڭ باسىنان تەۋىپ، جۇدىرىقپەن ۇرمادىڭۆز؟

بيشىمبايەۆتىڭ اناسىنىڭ جازۋىنشا، وتەبەكوۆ جاريالاعان جازبالارىندا ايىپتالۋشىنىڭ وتباسىن، ادۆوكاتتارىن سىنعا العان.

«بۇل ادۆوكاتتىڭ جاريالانىمدارى ءبىزدىڭ ادۆوكاتتارىمىزعا، وتباسىمىزعا وشپەندىلىك، قارعىس جانە قورلاۋ تۋدىرادى. جازبانىڭ اۆتورى ءبىزدى قورلايتىن پىكىرلەردى باقىلامايدى. سونداي-اق ول سۋديانىڭ ارەكەتىن سىنعا الىپ، ونى مەنىڭ بالامنىڭ قورعاۋشىلارىنا قارسى باعىتتاۋعا تىرىستى، سوتتان جاناما تۇردە ايىپتاۋدى تالاپ ەتتى. (...) وسى ادۆوكاتقا تارتىپتىك شارا قولدانۋدى سۇرايمىن»، — دەدى الميرا نۇرلىبەكوۆا.

ايتا كەتەيىك، بيشىمبايەۆتىڭ سوتى اشىق تۇردە ءوتىپ جاتىر. سوت پروسەسىن كوپتەگەن ادامدار كورىپ وتىر. قازاقستاندىقتار الەۋمەتتىك جەلىلەردە ازاپپەن قازا تاپقان سالتانات نۇكەنوۆانىڭ وتباسىن قولداۋعا ارنالعان اكسيالار مەن فلەشموبتار وتكىزۋدە.

بۇل ماقالا تۋرالى نە ويلايسىز؟