ياسي قۋعىن-سۇرگىن قۇرباندارىن تولىق اقتاۋ بويىنشا مەملەكەتتىك كوميسسيا قازاقستان رەسپۋبليكاسى پرەزيدەنتىنىڭ جارلىعىمەن 2020 جىلعى 24-قاراشادا قۇرىلدى. وتكەن جىلى اۋقىمدى ۇيىمداستىرۋشىلىق-دايىندىق جۇمىستارى ءجۇرىزىلدى. اتاپ ايتقاندا، قازاقستانداعى ساياسي قۋعىن-سۇرگىن قۇرباندارىنىڭ نەگىزگى ساناتتارىن جان-جاقتى زەرتتەۋ ماقساتىندا تاقىرىپتىق باعىتتارى بويىنشا ماقساتتى توپتاردان قۇرالعان 10 جۇمىسشى توپتارى، 17 ايماقتىق كوميسسيالار قۇرىلدى، ادىستەمە ازىرلەندى، وسىعان دەيىن جابىق بولعان فوندتار مەن ماتەريالدار اشىلىپ، كوپتەگەن ىستەر اتقارىلدى.
2021 جىلى ساياسي قۋعىن-سۇرگىن قۇرباندارىن تولىق اقتاۋ بويىنشا ۇيىمداستىرۋشىلىق-ىزدەستىرۋ كەزەڭى اياقتالدى.
ەكىنشى كەزەڭدە جيناقتالعان جانە كەلىپ ءتۇسىپ جاتقان ماتەريالداردى، ارحيۆتەردى جانە قۇقىققورعاۋ ورگاندارى مەن ايماقتىق كوميسسيالار جيناعان تاجىريبەلەردى سۇرىپتاۋ، تالداۋ ءۇشىن بىلىكتى ماماندار مەن عالىمدار قاجەت بولادى. سايكەسىنشە، بۇل كەزەڭدە جيناقتالعان ماتەريالداردى تەرەڭ زەرتتەۋ مەن جۇيەلەۋ بويىنشا تەرەڭ تالداۋ جۇمىستارىن جۇرگىزۋ كوزدەلۋدە. بۇل باعىتتاعى جۇمىستار جوبالىق ءوفيستىڭ قىزمەتكەرلەرىنەن بەلسەندىلىكتى، وسىعان ساي داعدىلار مەن بىلىكتىلىكتى تالاپ ەتەدى.
مەملەكەت باسشىسىنىڭ جارلىعىن ورىنداۋ ماقساتىندا ق ر پرەمەر-مينيسترى 2022 جىلعى 14-قاڭتاردا جوبالىق ءوفيستىڭ كادرلىق قۇرامىن كۇشەيتۋ بويىنشا وكىم شىعاردى.
مەملەكەت باسشىسىنىڭ ساياسي قۋعىن-سۇرگىن قۇرباندارىن تولىق اقتاۋ بويىنشا مەملەكەتتىك كوميسسيانىڭ الدىنا قويىپ وتىرعان مىندەتتەرىن ورىنداۋدىڭ جوعارى دەڭگەيدەگى جاۋاپكەرشىلىگىنە بايلانىستى جوبالىق ءوفيستىڭ كادرلىق قۇرامىن مەملەكەتتىك كوميسسيا جۇمىسىنىڭ بۇكىل كەزەڭىندە ولاردىڭ جالاقىلارى مەن بارلىق الەۋمەتتىك تولەمدەرىن ساقتاي وتىرىپ، مۇددەلى مەملەكەتتىك ورگانداردىڭ قىزمەتكەرلەرىمەن، عىلىمي مەكەمەلەر مەن جوعارى وقۋ ورىندارىنىڭ وكىلدەرىمەن جاڭارتۋ جانە كۇشەيتۋ جۇمىستارى جۇرگىزىلدى.
2022 جىلعى 31-قاڭتاردا نۇر-سۇلتان قالاسىنداعى جوبالىق وفيستە جاڭا قۇراممەن جينالىس وتكىزىلىپ، وندا مەملەكەتتىك كوميسسيانىڭ جوبالىق ءوفيسىنىڭ جەتەكشىسى س.ا. قاسىموۆ بايانداما جاسادى. جينالىسقا قازاقستان رەسپۋبليكاسىنىڭ پرەزيدەنتى اكىمشىلىگىنىڭ ىشكى ساياسات ءبولىمىنىڭ ورىنباسارى ۆ.ۆ. پورۋبايمەح، ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى ز.ە. قابۋلدينوۆ جانە جوبالىق ءوفيستىڭ جاڭا قۇرامى قاتىستى. جوبالىق ءوفيستىڭ جاڭا قۇرامى وزدەرىنىڭ لاۋازىمدىق مىندەتتەرىنە سايكەس جۇمىسقا كىرىستى.
