ونىڭ ايتۋىنشا، بۇل سيفرلىق ساياسي پارتيا، ونىڭ قوزعاۋشى كۇشى زاماناۋي جانە وزىق جاستار.
«پارتيانىڭ باستى قۇندىلىعى – ادام. ميسسياسى – حالىق مەملەكەتىن قۇرۋ. ماقسات – ادىلەتتىلىك ورنايتىن، ادال دا ادەپتى ادامدار باسقاراتىن مۇلدە جاڭا قازاقستان» دەدى بوقايەۆ.
پارتيانىڭ باعدارلاماسىندا ادال، تاۋەلسىز، ءادىل سوت بار. بوقايەۆ قۇقىق قورعاۋ جۇيەسىندە رەفورمالار جۇرگىزۋ قاجەت دەپ ەسەپتەيدى. ول جەمقورلىقپەن ىمىراسىز سوعىس جاريالاۋعا نيەتتى. ول ءۇشىن سىبايلاس جەمقورلىققا قارسى دەربەس قىزمەت قۇرۋدى ۇسىنىپ وتىر. بوقايەۆتىڭ ايتۋىنشا، مەملەكەت اقشاسىنا ساتىپ الىنعان بارلىق شەتەلدىك اكتيۆتەردى ەلگە قايتارۋ قاجەت.
بوقايەۆ پرەزيدەنت جانىنداعى ستراتەگيالىق زەرتتەۋلەر ينستيتۋتىنىڭ قىزمەتكەرى، الماتى قالاسى اكىمدىگىنىڭ جاستار ساياساتى باسقارماسى مەن قالالىق اكىمدىكتىڭ ىشكى ساياسات باسقارماسىن باسقارعان. «قازترانسگاز» باسقارما ءتوراعاسىنىڭ كەڭەسشىسى قىزمەتىن دە اتقارعان.
ول قالدىقتاردى جيناۋعا بەلسەندى تۇردە قارسى شىققاننان كەيىن اتاققا يە بولدى.
