جابىرلەنۋشىلەر ازاپتاۋ فاكتىسى بويىنشا ارىز جازۋعا قورقادى. ويتكەنى پوليسيا الەۋمەتتىك جەلىلەردە قاتىگەزدىكپەن جاسالعان زورلىق-زومبىلىق كادرلارىن جاريالاۋعا ۋادە بەرگەن.
بۇل تۋرالى Orda.kz تىلشىسىنە قۇقىق قورعاۋشى ۆيكتور تەن ايتتى. ونىڭ ايتۋىنشا، ول بۇل اقپاراتتى زارداپ شەككەندەردىڭ وزدەرىنەن العان.
«بۇل تەرگەۋ يزولياتورىندا ەمەس، ۇستاۋ كەزىندە بولعان. ازاپتاۋ، ۇرىپ-سوعۋ، تىستەرىن جۇلۋ سياقتى ءبىر مەزگىلدە بىرنەشە وسىنداي فاكتىلەر ورىن العان. تاياقپەن زورلاۋ كەزىندە پوليسيا بارلىعىن ۆيدەوعا ءتۇسىرىپ العان. ولار الەۋمەتتىك جەلىدە ءبارىن جاريالايمىز دەپ، ولاردى قورقىتىپ وتىر. سوندىقتان بۇگىنگە دەيىن ۇستالعانداردىڭ ەشقايسىسى بۇل تۋرالى ايتقان جوق. ولار مۇنى قۇپيا ۇستاعىلارى كەلەدى. ۇستالعاندار ارىز جازباعاندىقتان، پوليسيا قىزمەتكەرلەرىنىڭ ءاتى-جونىن، قىلمىسىن، ەتيكالىق نورمالارعا سايكەس ايتۋعا مەنىڭ قۇقىعىم جوق» دەدى ۆيكتور تەن.
قۇقىق قورعاۋشى تالدىقورعانداعى تەرگەۋ يزولياتورى عيماراتىندا ازاپتاۋلار بولماعانىن، قىزمەتكەرلەردىڭ بارىنشا «ادامگەرشىلىك» ساقتاۋعا تىرىسىپ جاتقاندارىن العا تارتتى.
«16 قاڭتاردان بەرى مەن ۋاقىتشا تەرگەۋ يزولياتورىندا بولدىم، قاماۋعا الىنعانداردان بىردە-بىر ءوتىنىش، نە ارىز تۇسكەن جوق. مەن مۇنى انىق ايتا الامىن. ءبىز ازاپتاۋ فاكتىلەرى بويىنشا ادامداردىڭ مۇددەسىن قورعايمىز، ەگەر تەرگەۋ يزولياتورىندا وسىنداي جاعداي بولسا، بىزگە ايتار ەدى. ولارمەن سەنىمدى قارىم-قاتىناس ورناتتىق. ءبىز 20-دان استام ازاپتاۋ ءىسىن قاراپ جاتىرمىز. تەرگەۋ يزولياتورى قىزمەتكەرلەرى ازاپتاۋ مەن قۇقىق بۇزۋشىلىق فاكتىلەرىنىڭ ەلەۋسىز قالۋى مۇمكىن ەمەستىگىن ءتۇسىندى. سوندىقتان قىزمەتكەرلەر، كەرىسىنشە، مۇنداي جاعدايدى بولدىرماۋعا تىرىسۋدا» دەدى ۆيكتور تەن.
قۇقىق قورعاۋشى تالدىقورعانداعى تەرگەۋ يزولياتورىندا قاندى قاڭتار وقيعاسى بويىنشا قاماۋدا وتىرعاندار بولەك كامەرالاردا جاتقانىن ايتتى. تاماقتانۋ جانە سەرۋەندەۋ ادەتتەگىدەي وتكىزىلەدى. ۆيكتور تەن جان-جاقتى مەديسينالىق كومەك كورسەتۋدە ءبىراز ماسەلەلەر بار ەكەنىن دە ايتتى. تەرگەۋ يزولياتورىنىڭ قىزمەتكەرلەرى الماتى وبلىسىنىڭ دەنساۋلىق ساقتاۋ باسقارماسىنا حابارلاما حات جولداۋى قاجەت. سونىمەن قاتار، ولار مىندەتتى الەۋمەتتىك مەديسينالىق ساقتاندىرۋعا (ءمامس) اۋدارىمداردىڭ بولماۋىنا بايلانىستى باس تارتىلۋدا.
«ەگەر ادام شىنىمەن ءوزىن ناشار سەزىنسە، ولار جەدەل جاردەم شاقىرىپ، شۇعىل كومەك كورسەتەدى. بۇل جەردە ماسەلە دەنساۋلىق ساقتاۋ جۇيەسىندە، ويتكەنى ولار مەديسينالىق ساقتاندىرۋدى تالاپ ەتىپ جاتىر. ءقازىر مەندە مۇنداي جاعداي بار. بالانىڭ سويلەگەن ءسوزىنىڭ دۇرىس ەمەستىگىنە بايلانىستى ازاپتان كەيىن ينسۋلت العانىنا سەنىمدىمىن. تەرگەۋ يزولياتورىنىڭ قىزمەتكەرلەرى ونى ءۇش رەت ساراپتاماعا الىپ شىققانىمەن، بارىدە زايا. وعان مرت قاجەت. ءبىراق ول قولجەتىمسىز، ونىڭ ساقتاندىرۋى جوق» دەپ ءتۇسىندىردى ۆيكتور تەن.
قاندى قاڭتار كەزىندە ۇستالعاندار
ىشكى ىستەر مينيسترلىگىنىڭ مالىمەتىنشە، قاندى قاڭتار وقيعاسى كەزىندە قازاقستاننىڭ تەرگەۋ يزولياتورىنا 267 جارالى كۇدىكتى تۇسكەن، ولاردىڭ 33ء-ى قالالىق اۋرۋحانالاردا ستاسيونارلىق ەم العان.
ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ ءتوراعاسى جانات ەشماعامبەتوۆ بۇگىندە سوت شەشىمىمەن اۋىر جانە اسا اۋىر قىلمىس جاسادى دەپ ايىپتالعان 128 ادام تەرگەۋ يزولياتورىندا وتىرعانىن ايتتى.
قۇرامىنا دەپۋتاتتار، قۇقىق قورعاۋشىلار مەن ادۆوكاتتار كىرگەن كوميسسيا ۇستالعاندار مەن قاماۋعا الىنعاندارعا قاتىستى ازاپتاۋ دەرەكتەرىن تاپپادى.
«قازىرگى تاڭدا اقپارات كەڭىستىگىندە تەرگەۋ يزولياتورلارى قابىرعالارىندا ازاپتاۋلار بار دەگەن سەنىمسىز اقپارات جايىلۋدا. ءبىز ولاردىڭ شىندىققا سايكەس كەلمەيتىنىن، قوعامدى اداستىرىپ، بولىپ جاتقان وقيعانىڭ شىنايىلىعىن بۇرمالاپ وتىرعانىن جاۋاپكەرشىلىكپەن مالىمدەيمىز» دەدى ەشماعامبەتوۆ.
ىشكى ىستەر مينيسترلىگى الماتىداعى تەرگەۋ يزولياتورى جەرتولەسىندە ورتاعاسىرلىق ينكۆيزيسيا ۇلگىسىندەگى «ازاپتاۋ كامەراسى» قۇرىلعانى تۋرالى اقپاراتتى جوققا شىعاردى.
دەرەككوز
