ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"اتامەكەنگە" قۇلىبايەۆتىڭ ورنىنا باتالوۆ كەلدى

17 اقپان 2022 104
"اتامەكەن" ۇلتتىق كاسىپكەرلەر پالاتاسى پرەزيديۋمىنىڭ مۇشەلەرى 18 اقپاندا وتەتىن پالاتا سەزى قارساڭىندا ءتوراعا مىندەتىن رايىمبەك باتالوۆقا جۇكتەگەن. بۇل جونىندە اتالعان ۇيىم رەسمي سايتىندا حابارلادى.



پالاتانىڭ كەزەكتەن تىس سەزى 18 اقپاندا وتەدى. وندا "ۇلتتىق پالاتانى باسقارۋ، پالاتا جۇمىسىن رەفورمالاۋ، كاسىپكەرلىكتى دامىتۋ" جانە تاعى باسقا ماسەلەلەر قارالادى.

قاڭتار ورتاسىندا ەلدە ەكس-پرەزيدەنتتىڭ ىقپالى ازايعانى تۋرالى بولجامدار تاراپ، ونىڭ اينالاسىنداعى ادامداردىڭ قىزمەتتەن كەتكەنى جونىندە اقپارات جيىلەگەن شاقتا نازاربايەۆتىڭ كۇيەۋبالاسى تيمۋر قۇلىبايەۆ "اتامەكەن" ۇلتتىق كاسىپكەرلەر پالاتاسى ءتوراعاسى قىزمەتىنەن كەتكەن. ونىڭ قايدا ەكەنى بەلگىسىز. 55 جاستاعى تيمۋر قۇلىبايەۆتىڭ ودان بولەك وزگە دە قىزمەتتەرى بار. ول – KAZENERGY مۇناي-گاز جانە ەنەرگەتيكا كەشەنى ۇيىمدارى قاۋىمداستىعىنىڭ جەتەكشىسى، قازاقستان ۇلتتىق وليمپيادا كوميتەتىن، قازاقستان بوكس فەدەراسياسىن باسقارادى.

تيمۋر مەن دينارا قۇلىبايەۆتار قازاقستاننىڭ ەڭ باي ادامدارى قاتارىندا. Forbes جۋرنالى ءارقايسىسىنىڭ بايلىعىن 2،9 ميلليارد دوللارعا باعالاعان.


بۇل ماقالا تۋرالى نە ويلايسىز؟