الماتىدا سەيسمولوگيالىق زەرتتەۋ جۇرگىزىلەتىن بولدى،دەپ حابارلايدى Alash.KZ ۇلتتىق پورتالى.
پرەزيدەنت قاسىم-جومارت توقايەۆ عىلىم جانە تەحنولوگيالار جونىندەگى ۇلتتىق كەڭەستىڭ وتىرىسىندا ارنايى زەرتتەۋ جۇرگىزىلەتىنىن مالىمدەدى. ناقتىراق ايتساق، الماتى اۋماعىنا ارنايى سەيسمولوگيالىق زەرتتەۋ جۇرگىزىلەتىن بولادى. اكىمدىك بۇل باعىتقا 3 جىلدىق زەرتتەۋ جۇمىستارىنا قارجى بولەدى.
سونداي-اق تارازداعى گيدرومەليوراتيۆتىك قۇرىلىس ينستيتۋتى قايتا قالپىنا كەلتىرىلىپ، ماتەريالدىق-تەحنيكالىق تۇرعىدان تولىق جابدىقتالادى. مەملەكەت باسشىسى سەيسمولوگيا ينستيتۋتىنىڭ جاعدايى دا ءماز ەمەس ەكەنىن ايتتى. ۇكىمەتكە وسى ينستيتۋتتىڭ عىلىمي الەۋەتىن ارتتىرۋعا قاتىستى ناقتى ۇسىنىستار دايىنداۋدى تاپسىردى.
"تاعى دا قايتالاپ ايتقىم كەلەدى، مەملەكەتتىك ورگاندار بارلىق ىستە، ەڭ الدىمەن، ساپالى عىلىمي قورىتىندىعا سۇيەنۋى كەرەك. بۇل – وتە ماڭىزدى مىندەت. شەشىمدەر ابدەن پىسىقتالىپ، ناقتى نەگىزدەلىپ بارىپ، قابىلدانۋعا ءتيىس. تالداۋ جۇرگىزىپ، احۋالدى بولجاۋ ءۇشىن عالىمداردىڭ قولىندا، زەرتتەۋ ورتالىقتارىندا قاجەتتى قۇرال-جابدىقتار بولۋعا ءتيىس"، - دەدى پرەزيدەنت.
