ءاليحان بوكەيحاننىڭ 160 جىلدىعى تويلانباۋى مۇمكىن. بۇل تۋرالى Alash.kz كازتاگ سايتىنا سىلتەمە جاساپ حابارلايدى.
«حالقى ءۇشىن ايانباي قىزمەت ەتكەن كورنەكتى تۇلعالارىمىزدى تانىتۋ، ولاردىڭ ءومىر جولىن ۇلگى رەتىندە كەلەشەك ۇرپاققا ناسيحاتتاۋ پارىزىمىز. الايدا ۇكىمەتتىڭ «مەرەيتويلار مەن اتاۋلى كۇندەردى مەرەكەلەۋ تۋرالى» قاۋلىسىنا سايكەس جەكەلەگەن تۇلعالاردىڭ مەرەيتويلارى العاشقى 100 جىلدىقتا – 100 جىلدىعى، ودان كەيiنگi 100 جىلدىقتاردا ءاربiر 25 جىلدا اتالىپ ءوتiلەدi»، - دەپ جاۋاپ بەردى پرەمەر – ءمينيستردىڭ ورىنباسارى تامارا دۇيسەنوۆا، ءاليحان بوكەيحاننىڭ 160 جىلدىعىنا قاتىستى دەپۋتاتتىق ساۋالعا.
"ەلىمىزدە ءاليحان بوكەيحانعا ارنالعان ءىس-شارالار جىل سايىن ۇيىمداستىرىلادى، سوڭعى ءۇش – ءتورت جىلدىڭ كولەمىندە ءاليحان بوكەيحاننىڭ جەكە ەسكەرتكىشتەرى، بيۋستەرى سەمەي، پاۆلودار قالالارىندا، قاراعاندى وبلىسىندا، كومپوزيسيالىق ەسكەرتكىشتەرى استانا، شىمكەنت، اقتوبە قالالارىندا، تۇركىستان وبلىسىندا ورناتىلعان"،- دەدى ۆيسە-مينيستر.
«بەلگىلى تۇلعالاردىڭ ءومىرى مەن شىعارماشىلىعىن ناسيحاتتاۋعا ارنالعان اۋقىمدى شارالاردى اتالعان قاۋلىعا سايكەس بەلگىلەنگەن مەرەيتويلىق جىلدارعا ورايلاستىرىپ وتكىزۋ قاجەت دەپ ەسەپتەيمىز»، - دەپ حابارلادى ۇكىمەت باسشىسىنىڭ ورىنباسارى.
