ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

4،5 مىڭ ءۇي سۋ استىندا قالدى

07 ءساۋىر 2024 169

تجم توتەنشە جاعدايلاردى جويۋ دەپارتامەنتىنىڭ باستىعى قاھارمان ورازالين ورتالىق كوممۋنيكاسيالار الاڭىندا وتكىزگەن باسپا ءسوز ءماسليحاتى بارىسىندا سۋ تاسقىنىنا بايلانىستى جاڭارتىلعان اقپاراتتى جاريالادى.

قۇتقارۋ وپەراسياسى وتە قيىن جاعدايدا ءوتتى

– ءقازىر اقتوبە، قوستاناي، پاۆلودار، اقمولا، اتىراۋ، سولتۇستىك قازاقستان وبلىستارىندا 3 391 جەكە تۇرعىن ءۇي، 1059 ساياجاي ءۇيىن، ءارتۇرلى ماقساتتاعى 79 نىساندى سۋ باسىپ قالدى. قازىرگى ۋاقىتتا جالپى كۇشتەردىڭ كومەگىمەن 63 927 ادام قۇتقارىلىپ، ەۆاكۋاسيالاندى. ولاردىڭ ىشىندە 45 ادام مۇگەدەكتىگى بار ادامدار. 15 283ء-ى بالا. ۋاقىتشا ورنالاستىرۋ ورىندارىندا 13 328 ادام بار. ونىڭ ىشىندە 6 742 بالا بار. اتالعان ادامداردىڭ ءبارى دە تۇرمىسقا قاجەتتى زاتتارمەن قامتىلعان. پسيحولوگتار جۇمىس ىستەپ جاتىر، – دەيدى قاھارمان ورازالين.

سونىمەن قاتار، ءقاۋىپسىز جەرگە 10 608 باس مالدى ايداپ اپارعان.

– ءبىزدىڭ ۇشقىشتارىمىزدىڭ، تجم، قورعانىس مينيسترلىگى، ۇلتتىق ۇلان كۇشتەرىنىڭ ارقاسىندا 2607 ادام قۇتقارىلدى. ونىڭ ىشىندە 760 بالا. تاۋلىگىنە 243 ادام قۇتقارىلدى. قۇتقارۋ وپەراسياسى وتە قيىن جاعدايدا ءوتتى. ادامداردى ۇيلەردىڭ توبەسىنەن ەۆاكۋاسيالاۋ قاجەت بولدى، – دەيدى ول.

قازاقستانداعى سۋ تاسقىنى

بيىلعى تاسقىن قازاقستاننىڭ بىرنەشە وڭىرىندە بولىپ، جىلداعىدان قاراعاندا كۇردەلى جاعداي تۋعىزدى. اۋەلى كوكشەتاۋداعى قىلشاقتى وزەنى ارناسىنان اسىپ، 16 جەكە ءۇي، 29 جەكە اۋلا اۋماعى جانە 12 كوپقاباتتى تۇرعىن ءۇي اۋلاسى، سونداي-اق "ەركوستىك"بالاباقشاسىنىڭ 1-قاباتىنا سۋ جايىلعان.

25 ناۋرىزدا كوكشەتاۋ قالاسىنداعى № 22 ورتا مەكتەپ عيماراتىن ەرىگەن سۋ باسىپ قالدى.

اقتوبەدەگى سازدى وزەنى ارناسىنان استى.

باس پروكۋراتۋرا قازاقستانداعى سۋ تاسقىنىنىڭ سالدارى تۋرالى مالىمدەمە جاسادى. ەڭ كۇردەلى جاعداي اقمولا، اقتوبە، شىعىس قازاقستان، باتىس قازاقستان، قوستاناي، اباي جانە ۇلىتاۋ وبلىستارىندا بايقالاتىنىن حابارلاعان بولاتىن. 

قۇلسارىدا مىڭداعان ءۇيدى سۋ الىپ كەتتى.

باس پروكۋراتۋرا بۇگىنگى كۇنى جەرگىلىكتى اۋقىمداعى توتەنشە جاعداي رەجيمى جاريالانعان 10 وبلىستا ۋاكىلەتتى مەملەكەتتىك ورگاندار تاسقىن سالدارىن جويۋ جانە ازايتۋ جونىندەگى شارالار قابىلداپ جاتقانىن، سوتقا دەيىنگى 4 تەرگەۋ-تەكسەرۋ امالدارى باستالعان.

بۇل ماقالا تۋرالى نە ويلايسىز؟