ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءدىن سالاسىنداعى وزەكتى ماسەلە قوزعاۋ ارقىلى بايقاۋعا قاتىسۋعا شاقىرامىز!

10 ءساۋىر 2024 236

2024 جىلعى 10 ساۋىردە الماتى قالاسىندا ءدىن ىستەرى جونىندەگى باسقارماسىنىڭ تاپسىرىسى بويىنشا «JASTAR» دامىتۋ ورتالىعى»  جاستار قوعامدىق بىرلەستىگىنىڭ ۇيىمداستىرۋىمەن «بىرنەشە نوميناسيالار بويىنشا ءدىن سالاسىنىڭ وزەكتى ماسەلەلەرى تۋرالى ۇزدىك ماتەريالداردى (ماقالالار، الەۋمەتتىك روليكتەر جانە ت.ب.) دايىنداۋ بايقاۋى» بويىنشا باسپا ءسوز كونفەرەنسياسى ءوتتى.

كونفەرەنسيا بارىسىندا الماتى قالاسى ءدىن ىستەرى جونىندەگى باسقارماسىنىڭ وكىلى باقداۋلەت حاليلۋللا ۇلى بايقاۋدى ۇيىمداستىرۋداعى ماقسات-مىندەتتەرى، بايقاۋ شارتتارى مەن ەرەجەسىن تانىستىردى. بايقاۋدى ۇيىمداستىرۋداعى ماقسات – جۇرت نازارىن ءدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ. بۇقارالىق اقپارات قۇرالدارى مەن الەۋمەتتىك جەلىلەر ارقىلى حالىقتى ءدىن سالاسىنداعى مەملەكەتتىك ساياساتتىڭ ماڭىزدى باعىتتارى مەن ەكسترەميستىك جانە راديكالدى ءدىني اعىمدار يدەولوگياسىنىڭ زياندىلىعىنان حاباردار ەتۋ. جۋرناليستەر مەن باق-تى، سونداي-اق ءدىن سالاسىنداعى وزەكتى ماسەلەلەر بويىنشا ماتەريالدار جاريالايتىن باسقا دا تۇلعالاردى قولداۋ.

ەرەجەگە سايكەس بايقاۋ 10 نوميناسيا بويىنشا وتكىزىلەدى. جالپى جۇلدە قورى – 3 050 000 تەڭگە.

بايقاۋدى ۇيىمداستىرۋداعى ماقسات – جۇرت نازارىن ءدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ. بۇقارالىق اقپارات قۇرالدارى مەن الەۋمەتتىك جەلىلەر ارقىلى حالىقتى ءدىن سالاسىنداعى مەملەكەتتىك ساياساتتىڭ ماڭىزدى باعىتتارى مەن ەكسترەميستىك جانە راديكالدى ءدىني اعىمدار يدەولوگياسىنىڭ زياندىلىعىنان حاباردار ەتۋ. جۋرناليستەر مەن باق-تى، سونداي-اق ءدىن سالاسىنداعى وزەكتى ماسەلەلەر بويىنشا ماتەريالدار جاريالايتىن باسقا دا تۇلعالاردى قولداۋ.

بايقاۋ كەلەسى نوميناسيالار بويىنشا وتكىزىلەدى:

  1. ينتەرنەت-رەسۋرستاعى قازاق تىلىندەگى ۇزدىك ماقالا؛
  2. ينتەرنەت-رەسۋرستاعى ورىس تىلىندەگى ۇزدىك ماقالا؛
  3. «ينستاگرام» الەۋمەتتىك جەلىسىندەگى ۇزدىك بەينەروليك؛
  4. «تيكتوك» الەۋمەتتىك جەلىسىندەگى ۇزدىك بەينەروليك؛
  5. ۇزدىك الەۋمەتتىك بەينەروليك؛
  6. Digital Art شەڭبەرىندەگى ۇزدىك فوتوجوبا؛
  7. ۇزدىك ولەڭ؛
  8. ۇزدىك ۇندەۋ جانە ۇران؛
  9. ۇزدىك پىكىر؛
  10. الەۋمەتتىك جەلىلەردەگى ۇزدىك تاقىرىپتىق پوست.

بايقاۋعا 16 جاستان جوعارى الماتى قالاسىنىڭ بارلىق تۇرعىندارى قاتىسا الادى.

بايقاۋعا قاتىسۋ ءۇشىن قاتىسۋشىلار ءوز جۇمىستارىن جانە وزدەرى تۋرالى اقپاراتتى [email protected] ەلەكتروندى مەكەنجايعا وسى جىلدىڭ 1 قازانىنا دەيىن جولداي الادى. بايقاۋ تۋرالى تولىق اقپارات پەن ءار نوميناسيا بويىنشا تالاپتاردى الماتى قالاسى ءدىن ىستەرى جونىندەگى باسقارماسىنىڭ رەسمي سايتى مەن @din_almaty رەسمي اككاۋنتىندا جاريالانعان ەرەجەدەن كورە الادى.

بۇل ماقالا تۋرالى نە ويلايسىز؟