قازاقستان وڭىرلەرىندە سۋ تاسقىنى سالدارىن جويۋ جالعاسىپ جاتىر، دەپ حابارلادى جەكسەنبىدە تجم باسپا ءسوز قىزمەتى. بۇل جايلى Alash.KZ ۇلتتىق پورتالى جازدى.
تجم دەرەكتەرى بويىنشا اقمولا، قاراعاندى، اقتوبە، اتىراۋ، باتىس قازاقستان، قوستاناي، پاۆلودار، سولتۇستىك قازاقستان وبلىستارىندا ەرىگەن قار سۋىن سورۋ، ينەرتتى ماتەريالدارى بار قاپشىقتاردى توسەۋ، سونداي-اق كانالداردىڭ، ارىق جۇيەلەرىنىڭ جاعالاۋدى نىعايتۋ جۇمىستارى جالعاسۋدا، ادامداردى ءقاۋىپسىز جەرلەرگە قۇلاقتاندىرۋ جانە ەۆاكۋاسيالاۋ جۇرگىزىلىپ جاتىر.
اقمولا، اقتوبە، اتىراۋ، قوستاناي، پاۆلودار، سولتۇستىك قازاقستان جانە باتىس قازاقستان وبلىستارىندا 3 702 جەكە تۇرعىن ءۇي، 562 اۋلا اۋماعى، 1 822 ساياجاي ءۇيى جانە ءارتۇرلى ماقساتتاعى 73 عيمارات، سونداي-اق 155 اۆتوجولدى سۋ باسقان.
7،4 ملن تەكشە مەتردەن استام ەرىگەن سۋ سورىلدى، 966 مىڭنان استام قاپشىق جانە 976 مىڭ توننا ينەرتتى ماتەريال توسەلگەن.
سۋ باسۋ ايماقتارىنان 72 284 ادام قۇتقارىلدى جانە ەۆاكۋاسيالاندى، ونىڭ ىشىندە 17 217 بالا. ۋاقىتشا ورنالاستىرۋ پۋنكتتەرىندە 14 430 ادام، 69 مىڭعا جۋىق اۋىل شارۋاشىلىعى جانۋارلارى ءقاۋىپسىز ايماقتارعا باعىتتالدى.
اۆاريالىق-قۇتقارۋ جۇمىستارىنا 13 620 ادام جانە 1 265 بىرلىك تەحنيكا، 386 سۋ ايداۋ قۇرالى جانە 83 ءجۇزۋ قۇرالى، جەتى اۋە كەمەسى جۇمىلدىرىلدى.
