كوكتەمگى تاسقىن سۋعا بايلانىستى كەيبىر وڭىرلەردە توتەنشە جاعداي جاريالاندى. تاسقىن سۋدىڭ بەتى ءالى دە قايتپاي تۇر. حالىق ۇيلەرىن تاستاپ، مەكتەپتەر مەن الەۋمەتتىك نىسانداردى پانالاپ جاتىر. حالىقتىڭ ۇزاق جىل جيناعان مال-مۇلكىنە ءىرى كولەمدە زالال كەلدى، وعان قوسا توتەنشە جاعداي كەزىندە باعىتىن جوعالتىپ العاندار دا بار.
ءماجىلىس دەپۋتاتى ماقسات تولىقباي بۇل جاعدايدان كەيىن ۇكىمەتتە ءاۋىس-تۇيىس جاساۋ كەرەك ەكەنىن ايتتى.
دەپۋتاتتىڭ سوزىنشە، اكىمدىكتەردە ەشقانداي دايىندىق جوق. بۇل - ۇكىمەت پەن اكىمدىكتەر اراسىندا بايلانىس جوق ەكەنىنىڭ بەلگىسى. ماقسات تولىقباي بۇل جاعدايعا كىنالى رەتىندە رومان سكلياردى اتادى.
"تامىرىنان قۇرتتاعان اعاش بۇتاعىنان ەمدەلمەيدى. رومان سكلياردان باستاپ ۇكىمەتتىڭ كەيبىر مۇشەلەرىن اۋىستىراتىن كەز كەلدى.
ايماقتاردى ارالاپ، اقتوبەنىڭ ورتاسىنا شەتتىك. ءبىراق، ءقادىرلى اعايىن، شىنىن ايتۋ كەرەك، اكىمدىكتەردىڭ دايىندىعى وتە ناشار. ءتىپتى باسقاسىن ايتپاعاندا، كەيبىر اۋدان اكىمدەرىنىڭ رەزەرۆىندە نە قايىق جوق، سۋ ەتىك تابىلماي جاتىر. اكىمدىك پەن ۇكىمەتتىڭ اراسىندا بايلانىس جوقتىڭ قاسى دەسەك بولادى.
بۇعان ءبىرىنشى كەزەكتە كىم جاۋاپتى؟ اشىعىن ايتۋ كەرەك، پرەمەر-مينيستردىڭ ورىنباسارى رومان سكليار جاۋاپتى. كەشە اقتوبەگە كەلدى. العا دەيتىن ءبىر اۋدانعا باردى، ءبىراق سۋدىڭ استىندا قالعان ويىلعا نەگە بارمايدى؟
مۇنىڭ الدىندا الاپات ءورت بولعانىن بىلەسىزدەر. قانشاما ادام ورتەنىپ كەتتى. بۇعان دا كىم جاۋاپتى؟ رومان سكليار جاۋاپتى. سوگىسپەن قۇتىلدى.
سوندىقتان بۇل وزگەلەرگە ساباق بولۋى ءۇشىن پرەزيدەنت سوگىس جاريالاپ جاتىر. ءبىراق رومان سكلياردان باستاپ ۇكىمەتتىڭ كەيبىر مۇشەلەرىنە شارا قولدانىپ، اۋىستىراتىن كەز كەلدى عوي دەپ ويلايمىن"، - دەدى دەپۋتات.
ايتا كەتەيىك، پرەزيدەنت قاسىم-جومارت توقايەۆ ەلدەگى جاعدايدان كەيىن شۇعىل جيىن وتكىزىپ، قانات بوزىمبايەۆتى پرەمەر-مينيستردىڭ ورىنباسارى لاۋازىمىنا تاعايىندادى.
ەندى بوزىمبايەۆ توتەنشە جاعدايلار بويىنشا جەتەكشىلىك ەتەدى.
