ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اقتوبەدە توتەنشە جاعداي جاريالاندى

29 ناۋرىز 2024 103

28 ناۋرىزدا كەشكىسىن اقتوبە قالاسىندا توتەنشە جاعداي جاريالاندى.

اقتوبە قالاسىنىڭ اكىمى ازامات بەكەتتىڭ مالىمدەمەسى اكىمدىكتىڭ رەسمي سايتىندا جاريالاندى.

"سۋ تاسقىنى - تابيعي قۇبىلىس. ونى تەجەۋ وڭاي بولماي جاتقانى راس. اقتوبە سۋ قويماسىندا بولعان سۋدىڭ كولەمى ءبىر تاۋلىكتىڭ ىشىندە 150 ميلليون تەكشە مەترگە كوبەيدى. سۋ قويماسى مۇنداي كولەمدى سۋدى سىيعىزا المايدى. ياعني، قالاعا تۇگەل ءقاۋىپ ءتونىپ تۇر. سوندىقتان، ءبىز سۋدى جىبەرىپ وتىرۋعا ءماجبۇرمىز. ەلەك وزەنىنىڭ بويىندا ورنالاسقان جانە قارعالى وزەنىنىڭ كىرپىشتى كوپىرىنە جاقىن ورنالاسقان باۋ-باقشا ۇجىمدارىنىڭ تۇرعىندارىن ەۆاكۋاسياعا كەلىسىم بەرىپ، ۇيلەرىڭىزدى بوساتۋلارىڭىزدى سۇرايمىن.

ءبىز ءۇشىن سىزدەردىڭ ومىرلەرىڭىز وتە ماڭىزدى. وزدەرىڭىز بىلەسىزدەر ناۋرىزدىڭ 26-سى كۇنى قالا اۋماعىندا كۇننىڭ كۇرت جىلىنۋىنا بايلانىستى دالا سۋلارى كوتەرىلدى. بىرنەشە تۇرعىن الاپتار مەن باۋ-باقشا ۇجىمدارىنا ءقاۋىپ ءتوندى. بۇگىنگى كۇنى 73 ۇيگە سۋ كىردى. 155 ادام ەۆاكۋاسيالاندى. سۋ تاسقىنى سالدارىنان زارداپ شەككەن تۇرعىندارعا كومەك بەرىلەدى. ەشكىم نازاردان تىس قالمايدى. تاعى دا ايتارىم، سىزدەردىڭ ومىرلەرىڭىز ءبىز ءۇشىن ماڭىزدى! سۋ تاسقىنىمەن كۇرەسكە كومەكتەسىپ جۇرگەن تۇرعىندارعا راحمەت. وسى قيىن جاعدايدا سىزدەردى بىرلىككە شاقىرامىن"، - دەلىنگەن اكىمنىڭ جازباسىندا.

بۇل ماقالا تۋرالى نە ويلايسىز؟