ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قۇلىبايەۆا مەن قبتۋ. تيىنعا ساتىپ الىپ ەدى، مەملەكەتكە قايتارۋعا ءماجبۇر

28 ناۋرىز 2024 192

ەكس-پرەزيدەنت نۇرسۇلتان نازاربايەۆتىڭ ەكىنشى قىزى دينارا قۇلىبايەۆا قبتۋ عيماراتىن مەملەكەتكە قايتارۋعا دايىن

Orda.kz مالىمەتىنشە، بىلتىر كۇزدە الماتىدا قازاقستان-بريتان تەحنيكالىق ۋنيۆەرسيتەتىنىڭ ىسىنە قاتىستى سوت باستالعان بولاتىن. ءىستى الماتىنىڭ پروكۋراتۋراسى قوزعاعان بولاتىن. دينارا قۇلىبايەۆا باسقاراتىن قور ەشقانداي زاڭسىز ارەكەت بولماعانىن ايتادى. قاڭتاردا سوت مەدياسيانى جۇرگىزۋ ءۇشىن پروسەستى توقتاتقان بولاتىن.

ۋنيۆەرسيتەت «نۇرسۇلتان نازاربايەۆ ءبىلىم بەرۋ قورىنا» تيەسىلى. ال قورعا دينارا قۇلىبايەۆا باسشىلىق ەتەدى. 2000 جىلى نۇرسۇلتان نازاربايەۆتىڭ باستاماسىمەن پايدا بولعان قازاقستان-بريتان تەحنيكالىق ۋنيۆەرسيتەتى 2003 جىلى «قازمۇنايگازدىڭ» اكتيۆتەرىنىڭ ءبىرى بولعان ەدى. ۇلتتىق كومپانيا 15 جىل بويى ۋنيۆەرسيتەتكە يەلىك ەتكەن.

ال 2018 جىلى 11،37 ميللارد تەڭگەگە «نۇرسۇلتان نازاربايەۆ ءبىلىم بەرۋ قورىنا» ساتىلىپ كەتكەن. پروكۋراتۋرانىڭ نۇسقاسى بويىنشا، قور 2018 جىلى «قازمۇنايگازدان» ۋنيۆەرسيتەتتى زاڭسىز ساتىپ العان.

پروكۋراتۋرا ەڭ الدىمەن ۋنيۆەرسيتەت ۇلتتىق كومپانيادان قۇلىبايەۆانىڭ قولىنا ارزان باعامەن ءوتىپ كەتكەن دەپ سانايدى. باعانى Baker Tilli Kazakhstan Advisory ينۆەستيسيالىق بروكەرلىك كومپانياسى قويعان.

الماتى پروكۋراتۋراسى كەلىسپەيتىن ەكىنشى نارسە – التى جىل بۇرىن جاسالعان مامىلەگە قاتىستى. ءمامىلا بارىسىندا پروسەستە «نۇرسۇلتان نازاربايەۆ ءبىلىم بەرۋ قورى» جەڭىسكە جەتكەن. پروكۋرورلار مامىلە فورمالدى تۇردە وتكىزىلە سالعانىن، پروسەسكە قورمەن بىرگە قاتىسقان قالعان ەكى كومپانيا «يۋگ» باسقارۋ كومپانياسى» مەن AGDS Group – بىركۇندىك كومپانيالار بولعان.

دەگەنمەن قۇلىبايەۆا باسشىلىق ەتەتىن قورداعىلار الماتىداعى ۋنيۆەرسيتەتتىڭ عيماراتىن مەملەكەتكە قايتارۋعا دايىن ەكەنىن مالىمدەگەن.

«مەملەكەتتىڭ تاريحي شەشىمدەرى قابىلدانعان، اتاپ ايتقاندا تاۋەلسىزدىك دەكلاراسياسىنا قول قويىلعان عيماراتتىڭ مادەني قۇندىلىعىن ەسكەرە وتىرىپ، ۇلەسكەر عيماراتتى ءوز ەركىمەن مەملەكەت مەنشىگىنە وتەۋسىز بەرۋ مۇمكىندىگىن قاراستىرۋدا. بۇل رەتتە ۋنيۆەرسيتەتكە ءبىلىم بەرۋ ليسەنزياسىن جانە وقۋ پروسەسىن جۇرگىزۋ ءۇشىن سەنىمگەرلىك باسقارۋ شارتتارىمەن وسى عيماراتتا ۋاقىتشا تۇرۋ قاجەت. وسىعان وراي، قور مەملەكەتتىك عيماراتتاردى سەنىمگەرلىك باسقارۋعا بەرۋ كەزىندە جوو-لارعا قويىلاتىن بىلىكتىلىك تالاپتارىن ساقتاۋ ماقساتىندا اكسيالاردىڭ 5 پايىزىن مەملەكەت مەنشىگىنە وتەۋسىز بەرۋگە دايىن»، - دەلىنگەن قور حابارلاماسىندا.

ايتا كەتەيىك، بۇعان دەيىن دينارا قۇلىبايەۆانىڭ فرانسۋز الپىسىندە قىمبات رەزيدەنسياسى تۋرالى جازعان بولاتىنبىز.

​​"ۆىحود ك موريۋ" ارناسىنىڭ دەرەكتەرىنە سۇيەنسەك، دينارا قۇلىبايەۆانىڭ فرانسۋز الپىسىندە قۇنى 15 ميلليارد تەڭگە تۇراتىن ءۇيى بار بولىپ شىققان.

"مەجيەۆ - فرانسيانىڭ وڭتۇستىك-شىعىسىنداعى، ءالپىنىڭ ەتەگىندەگى شاعىن قالا، وندا نەبارى 3 مىڭ ادام تۇرادى. بۇل ەلدىڭ ەڭ تانىمال قىسقى كۋرورتى سانالادى. بۇل جەر نۇرسۇلتان نازاربايەۆ ءبىلىم بەرۋ قورى ديرەكتورىنىڭ ءبىرىنشى ورىنباسارى سۆەتلانا مىرزابەكوۆانىڭ اكتيۆتەرى تۋرالى اقپاراتتاردان بەلگىلى. ونىڭ بۇل جەردە قۇنى 1،67 ميلليون ەۋرو تۇراتىن، ياعني Esكape Residence كەشەنىندە ءۇش بولمەلى پاتەرى بار. بۇعان جاقىن جەردە نۇرسۇلتان نازاربايەۆتىڭ ءبىلىم قورىنىڭ ديرەكتورى دينارا قۇلىبايەۆا مەن ونىڭ كۇيەۋى تيمۋر يەلىك ەتەتىن بەلريۆ قامالى ورنالاسقان"، - دەپ جازىلعان دەرەكتە.

"ۆىحود ك موريۋ" مالىمەتىنشە، بەلريۆ سارايىنىڭ تۇرعىندارى قىسقى سپورت تۇرلەرىن جاقسى كورەدى. بۇرىنعى پرەزيدەنت نازاربايەۆتىڭ ورتانشى قىزى دينارا قۇلىبايەۆانىڭ الپىدەگى رەزيدەنسياسى دا سول مەجيەۆ قالاسىندا ورنالاسقان.

بۇل ماقالا تۋرالى نە ويلايسىز؟