ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ءپۋتيننىڭ قاتىسى بار". جەلىدە "قۇي" دەگەنى ءۇشىن قازاق بلوگەرى قامالدى

28 ناۋرىز 2024 188

 

"ءتىل ءپاترۋلى" بەلسەندىسى،بەلگىلى بلوگەر دياس قۇزايىروۆ الەۋمەتتىك جەلىدە تىكەلەي ەفيردە ايتقان ءسوزى ءۇشىن جازالاندى.

بۇل جايت قۇزىرلى ورگاندار الەۋمەتتىك جەلىلەرگە تەكسەرىس جۇرگىزۋ بارىسىندا انىقتالعان. قۇزايىروۆ ۇساق بۇزاقىلىق جاساعانى ءۇشىن جاۋاپقا تارتىلعان، سوندىقتان ق ر اقبتك 434-بابىنىڭ 2-بولىگى بويىنشا اكىمشىلىك حاتتاما تولتىرىلعان. سوتتا بەلسەندى كىناسىن مويىندامادى.

"25 ناۋرىزدا كولىگىمدە وتىرعان كەزدە تىكەلەي ەفيرگە شىقتىم. ستريم كەزىندە "پۋتين قۇيلو" دەدىم. ءبىراق "قۇيلو" ءسوزى بىلاپىت ءسوز ەمەس،  قازاق تىلىنەن اۋدارعاندا "قۇي، قۇيۋ" دەگەندى  بىلدىرەدى. قازاق تىلىندەگى بۇل ءسوز بالاعات ءسوز بولىپ سانالمايدى"، - دەدى بەلسەندى.

سونداي-اق، ول بۇعان دەيىن الەۋمەتتىك جەلىدەگى پاراقشاسىندا سوت پروسەسى تۋرالى دا ايتتى.

"مەنەن قانداي ءسوز ايتتىڭ؟" دەپ سۇرادى. قازاق تىلىندە "قۇيۋ، قۇيلو" دەگەن زاڭدى بۇزاتىن ءسوز ەمەس، ادەبي ءسوز. مەن "سوت مەملەكەتتىك تىلدە بولسىن" دەدىم. سوت قازاق تىلىندە بولىپ جاتىر. ...سوت دۇرىس شەشىم قابىلدايدى دەپ ويلايمىن"، - دەدى ول.

ارتىنشا بەلسەندى 15 تاۋلىككە قامالاتىنىن ايتتى.

"كىنالى دەپ شەشىم شىعاردى. 15 تاۋلىككە جابادى. "كىنالىسىز، ءبىز جامان ءسوز ەستىدىك" دەدى. مەن "قۇي" دەگەن قازاقتىڭ ءسوزى بار" دەدىم. وسىنداي شەشىمدەر قابىلدايدى ءبىزدىڭ سوتتار"، - دەدى بەلسەندى.

بۇل ماقالا تۋرالى نە ويلايسىز؟