ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قۋانىش ايتاحانوۆ، قوعام قايراتكەرى: ەكى ەل جۇرتى اۋەلدەن دوستاستىق ورناتقان

06 قازان 2022 55

– كورشىمىز رەسەي مەملەكەتىمەن شەكتەسكەن شەكارامىز 7،5 مىڭ شاقىرىمنان اسىپ جاتىر.دۇنيەدەگى ەڭ ۇزىن شەكارانىڭ ءبىرى. قازاقستانالەۋمەتتىك، قوعامدىق، ەكونوميكالىق جاعىنان دا سولتۇستىكتەگى كورشىمىزبەن وداقتاس ەكەنىمىزدى ۇمىتپاۋىمىز ءتيىس. سوندىقتان، ەكى ەل اراسىنداعى ميگراسيالىق قوزعالىستارعا شەكتەۋ قويىلمايدى. بەكىتىلگەن، راتيفيكاسيادان وتكەن قۇجات نەگىزىندە قارىم-قاتىناستارىمىز زاڭدى سانالادى. رەتتەلگەن جۇيەنى اياق استى بۇزا المايمىز.


ءقازىر رەسەيلىكتەردىڭ موينىنا جۇك ءتۇسىپ، كوپتەگەن اۋىرتپالىق كورىپ وتىر. امالسىزدان ەلىمىزگە كەلىپ جاتقاندارى جەتەرلىك. ولارعا قامقورلىق كورسەتىپ، كومەك ەتكەنىمىز ءجون دەپ بىلەمءىن. رەتى كەلسە، بىرلەسىپ كاسىپورىندار قۇرىپ، بىلىكتى ماماندارىن پايدالانعانىمىز ابزال. ايتپەسە، بوسقىن قىلىپ ساناۋدىڭ ءجونى جوق، ازامات رەتىندە رەسەيلىكتەر ەلىمىزدە ۋاقىتشا ءجۇرءىپ-تۇراالادى، تولىق مۇمكىندىگى بار. تەك جەكە باسىن كۋالاندىرسا، بولعانى. ول ءۇشىن شەكاراشىلارىمىز وتكەن-كەتكەن ءار ادامدى تەرەڭ زەرتتەۋى قاجەت. دوستاستىق ورناتقان ەلدىڭ جۇرتىن كەرى تەبە المايمىز. ءبىزدىڭ دە تالاي ازاماتتار بۇعان دەيىنرەسەيگە بارىپ، ءتۇرلءى جەردە جۇمىس ىستەدى. ولاردىڭ دا اراسىندا قوناقجايلىق كورسەتكەندەرى بار بولدى. حالقىمىز ءتاتۋ-تاتتى، ىنتىماققا بەيىم ەل ەكەنىن ىسپەن كورسەتۋىمىز كەرەك. ال ارانداتۋشىلارعا كەلگەندە، اڭگىمە مۇلدە باسقا. مەيلى، ۇلتىنا، تۇرىنە قاراماستان كەي ادامدار جاماندىققا نيەت قىلىپ، ارانداتۋعا تىرىسسا، جازالاپ، شەتتەتكەن ءجون. ەڭ باستىسى، اۋىزبىرشىلىگىمىز جاراسقان، قوناقجاي حالىق ەكەنىمىزدى اشىق كورسەتىپ، سابىر مەن اقىلدى ۇشتاستىرا بىلگەنىمىز قۇپتارلىق.  

بۇل ماقالا تۋرالى نە ويلايسىز؟