قازاقستان رەسپۋبليكاسى پارلامەنتى سەناتىنىڭ ءتوراعاسى ماۋلەن اشىمبايەۆ رەسەيلىك شەنەۋنىكتىڭ قازاقستان تۋرالى ايتقان پىكىرىنە جاۋاپ بەردى، دەپ حابارلايدى، Alash.kz ۇلتتىق پورتالى.
رەسەي مەملەكەتتىك دۋماسىنىڭ ۆيسە-سپيكەرى، دەپۋتات پەتر تولستوي "كومسومولسكايا پراۆدا" راديوسىنىڭ تىكەلەي ەفيرىندە ۋكراينا تۋرالى سۇراققا جاۋاپ بەرىپ، قازاقستان، ارمەنيا ەلدەرىنىڭ اتىن اتاعان.
«ءبىزدىڭ اينالامىزدا ماسەلە تولىپ جاتىر. ءبىراق، ءبارى ۋكراينانىڭ ماسەلەسى قالاي شەشىلەدى ەكەن دەپ كۇتىپ وتىر، باقىلاپ وتىر. سوندىقتان، ءبىز ۋكراينا تاقىرىبىن جاپپاساق، قازاقستانمەن، ارمەنيامەن، ءبىزدى قورشاپ وتىرعان وزگە دە ەلدەرمەن ماسەلە تۋىنداۋى مۇمكىن»، - دەگەن ەدى تولستوي.
ماۋلەن اشىمبايەۆ بۇل پىكىر تۇتاس ۇلتتىڭ ەمەس، جالعىز ادامنىڭ پىكىرى ەكەنىن العا تارتتى.
«مەن ول كىسىنىڭ مالىمدەمەسىن ءوزىم تىڭداعان جوقپىن، ءبىراق، ارىپتەستەرىمنەن ەستىدىم. تىڭداعان سوڭ پىكىر بىلدىرە الامىن. ءبىراق، بۇنى مەملەكەتتىك دۋمانىڭ (رەسەي پارلامەنتىنىڭ – رەد) پىكىرى دەپ ەمەس، ءبىر ادامنىعڭ پىكىرى دەپ قابىلداۋ كەرەك»، - دەدى اشىمبايەۆ.
