ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سوتقا بەرەم: تانىمال اقىن تورەعالي تورەالىنى ءسوز تۇسىنبەيتىن "بالا" دەپ اتادى

28 مامىر 2024 859

قازاقستان جازۋشىلار وداعىنىڭ مۇشەسى، اقىن مۇنايدار بالمولدا تانىمال ەسترادا ءانشىسى تورەعالي تورەالىگە رەنىشىن ءبىلدىردى، دەپ حابارلايدى Alash.kz.

اقىن ءوز رەنىشىن اشۋلى تۇردە الەۋمەتتىك جەلىدەگى پاراقشاسىندا باياندادى. تورەعاليدىڭ ءسوز تۇسىنبەيتىن "بالا" ەكەنىن ايتتى. 

"تورەعالي تورەالىنىڭ كوزى ءتۇسىپتى. تۇسكەنى قۇرسىن، ۇرلاپ الىپ، ءسوزىن جوق قىلىپ، ونىڭ ورنىنا قاينار الاكوزوۆكە ءسوز جازعىزىپ الىپ، ءبىر قوجالىقتىڭ ءانى قىلىپ، ايتىپ ءجۇر ەكەن! Tik-tok-تان ءبىر بايقاپ قالىپ، ەسكەرتۋ جاسادىم. جاقسىلىقپەن قويا قوي، مەنىڭ اۆتورلىق قۇقىما قولىڭدى سۇقپا دەپ! جوق، بۇل بالا ءسوزدى تۇسىنبەيتىن بولىپ تۇر. Youtube ارناسىندا، ءوزىنىڭ پاراعىندا وسى ءان تۇر دەپ ماعان جىگىتتەر حابارلاسىپ جاتىر. بۇل ءانشى جىگىت التىنبەككە (كومپوزيتورعا) حابارلاسىپ، ءاندى سۇراپتى. التىنبەك ءوزىنىڭ كەلىسەتىنىن، ءبىراق مۇنايدار اعامنان رۇقسات سۇراڭىز دەپتى. ال تورەعالي مەنى ادام ەكەن دەمەگەن، اعام ەكەن دەمەگەن، ءوزىم بىلەمگە سالىپتى. ال وسىنىسى دۇرىس پا؟ مەنەن سۇراعان دا جوق. مەن رۇقسات بەرمەيتىن دە ەدىم. ءسوزىن وزگەرتپەي ايتسا، وندا ويلاناتىن ەدىم. ول مەنىڭ ءسوزىمدى جوق قىلعان عوي. ءان ولەڭىمە بولا تۋدى، سوعان ارنايى جازىلدى. ءبىرىنشى ولەڭ تۋدى، سوعان مەنىڭ تاپسىرىسىممەن ءان جازىلدى. سوندا بۇل ءاننىڭ اۆتورى كىم؟ سوتقا بەرسەم شە؟ مەنىڭ ءانىمدى رۇقساتىمسىز العانى ازداي، ونىمەن وزىنە جالعان ابىروي جيناپ ءجۇر. مۇعالجار جىلقىسى جايلى اندەتىپ، بىرەۋلەردەن اقشا الىپ، مەيماناسى تاسىپ تۇرعان بولار. وسىلاي مەنىڭ قازاقتىڭ جىلقىلارىنا، ياكي ۇلتىمىزدىڭ، حالقىمىزدىڭ اسىل جانۋارىنا ارناعان ءانىمدى تاپتاپ وتپەكشى، جوق قىلماقشى"، - دەيدى مۇنايدار بالمولدا.

بۇل ماقالا تۋرالى نە ويلايسىز؟