بەينەۋ اۋدانىندا مەكتەپ ءبىتىرىپ جاتقان ءبىر توپ وقۋشى كوشەدە بىر-بىرىمەن توبەلەسىپ، تاس لاقتىرعان. وسى وقيعا ءۇشىن وقۋشىلاردىڭ اتا-انالارى كەشىرىم سۇرادى، دەپ حابارلايدى Alash.KZ ۇلتتىق پورتالى mangystaumedia.kz-كە سىلتەپ.
ايتا كەتەيىك وقۋشىلار توبەلەسى بورانقۇل اۋىلىندا بولعان.
«ءبىز بالالارىمىزدىڭ مەكتەپ ءبىتىرۋ سالتاناتىن باستان-اياق ءوزىمىز پوليسەيلەرمەن بىرگە باقىلاپ جۇردىك. از عانا ۋاقىتتىڭ ىشىندە بالالار اراسىندا كەلىسپەۋشىلىك بولىپ قالدى. الايدا ەشكىم جاراقات المادى. وسى وقيعانىڭ ۆيدەوسى الەۋمەتتىك جەلىگە تاراپ كەتكەن ەكەن. بالالارىمىزدىڭ بۇزاقىلىعى ءۇشىن كەشىرىم سۇرايمىز»، - دەيدى اتا-انالار.
ەسكە سالا كەتسەك، وسىعان دەيىن بەينەۋ اۋدانىندا تۇلەكتەر اراسىندا كيكىلجىڭ بولعانىن حابارلاعان ەدىك.
