بۇگىندە قازاقستاننىڭ قىرعىزستانعا سالعان ينۆەستيسياسىنىڭ جالپى كولەمى 1،3 ميلليارد دوللاردان اسقان.
«قازاقستان قىرعىزستاننىڭ ءۇشىنشى ساۋدا سەرىكتەسى بولىپ تابىلادى. مەملەكەت باسشىلارىنىڭ تاپسىرماسى بويىنشا ءبىز ەكىجاقتى تاۋار اينالىمىن 2 ميلليارد دوللارعا جەتكىزۋدى جوسپارلاپ وتىرمىز. قىرعىزستان قازاقستاننىڭ تمد جانە ەاەو اياسىنداعى نەگىزگى ساۋدا سەرىكتەستەرىنىڭ ءبىرى. ءبىز جاقسى پەرسپەكتيۆالاردى كورىپ وتىرمىز، ءبىز قىرعىزستانعا ازىق-تۇلىك، ونەركاسىپ، مۇناي-حيميا، قۇرىلىس، فارماسيەۆتيكا سالالارىنداعى 200 تاۋارلىق پوزيسيا بويىنشا ەكسپورتتى تاعى 260 ميلليون دوللارعا ارتتىرۋعا دايىنبىز»، - دەدى قازاقستاننىڭ سىرتقى ىستەر ءمينيسترى مۇرات نۇرتىلەۋ.
ونىڭ ايتۋىنشا، بيىل قازاقستاننىڭ نەگىزگى ينۆەستورلارىنىڭ ءبىرى بىرلەسكەن جوبالاردى جۇزەگە اسىرۋعا 70 ميلليون دوللار ينۆەستيسيالاۋعا دايىن. الايدا بۇل ينۆەستور تۋرالى اقپارات جاريالانعان جوق.
قازاقستاننىڭ سىرتقى ىستەر ءمينيسترى بىشكەككە ساپارى بارىسىندا ايماقتىق ماسەلەلەر تالقىلانعانىن جانە ولار بويىنشا تاراپتاردىڭ ۇستانىمدارى سايكەس كەلگەنىن قوستى.
كەلىسسوزدەر ناتيجەسىندە قازاقستان مەن قىرعىزستان سىرتقى ىستەر مينيسترلىكتەرى اراسىندا 2024-2026 جىلدارعا ارنالعان ىنتىماقتاستىق باعدارلاماسىنا قول قويىلدى.
فوتو: Shutterstock
