جيىن بارىسىندا فەدەراسيانىڭ جاڭا پرەزيدەنتى قىزمەتىنە شاحمۇرات ءمۇتالىپ سايلاندى. ول كەڭەس راقىشيەۆتىڭ ورنىن الماستىردى.
وتىرىستا وتكەن جىلدىڭ ناتيجەسى قورىتىندىلانىپ، ەرلەر جانە ايەلدەر كومانداسى باس باپكەرلەرىنىڭ ەسەبى تىڭدالدى. ارتىنشا قبف جاڭا باسشىسىن سايلاندى.
شاحمۇرات ءمۇتالىپ ورتاق ماقساتقا جەتۋ جولىندا ءوزىنىڭ بار كۇشىن سالاتىنىن اتاپ ءوتتى.
ماعان جۇكتەلگەن جاۋاپكەرشىلىكتى سەزىنە وتىرىپ، قازاقستان بوكسىن ءارى قاراي دامىتۋعا، سپورتشىلارىمىزعا جان-جاقتى قولداۋ كورسەتىپ، ولاردىڭ مۇددەسىن قورعاۋعا، قبف ءرولىن ەلىمىزدىڭ ىشىندە جانە حالىقارالىق دەڭگەيدە ارتتىرۋعا بار كۇشىمدى سالامىن. بيىل وتەتىن ماڭىزدى دودالار قارساڭىندا كوماندانىڭ الدىندا ۇلكەن ماقسات تۇر. ءوز تاراپىمىزدان دايىندىققا قاجەت بارلىق جاعدايدى جاساۋدى جالعاستىرا بەرەمىز. بىرلەسە ەڭبەك ەتۋ ارقىلى وتاندىق بوكستىڭ الەمدىك ارەناداعى بەدەلىن نىعايتا تۇسەمىز، - دەدى قازاقستان بوكس فەدەراسياسىنىڭ جاڭا پرەزيدەنتى.
