وعان سايكەس، لحر مەن دحر دەپ ءوزىن-وزى جاريالاعان مەملەكەتتەردىڭ جانە زاپوروجە مەن حەرسون وبلىستارىنىڭ اسكەري اكىمشىلىكتەرىنىڭ رەسەيگە قوسىلۋ تۋرالى رەفەرەندۋمدار وتكىزۋىنە قاتىستى ماسەلەدە قازاقستان مەملەكەتتەردىڭ اۋماقتىق تۇتاستىعى، ولاردىڭ ەگەمەندىك تەڭدىگى جانە بەيبىت قاتار ءومىر ءسۇرۋ قاعيداتتارىن نەگىزگە الادى.
“پرەزيدەنتىمىز بىرنەشە رەت، ونىڭ ىشىندە بۇۇ مىنبەرىنەن جاقىندا عانا سويلەگەن سوزىندە وسى دۇنيەجۇزىلىك امبەباپ ۇيىمنىڭ جارعىسىنا نەگىزدەلگەن حالىقارالىق قۇقىق قاعيداتىن بۇلجىتپاي ساقتاۋدىڭ ماڭىزدىلىعى تۋرالى مالىمدەدى. جارعىدا بۇۇ-عا مۇشە ەلدەردىڭ بەيبىتشىلىك پەن مەملەكەتتەردىڭ اۋماقتىق تۇتاستىعىن ساقتاۋ جاۋاپكەرشىلىگى تۋرالى ايتىلادى”، – دەلىنگەن تۇسىنىكتەمەدە.
قازاقستان ساياسي ديالوگ ورناتۋ ءۇشىن جان-جاقتى قولداۋ كورسەتۋگە دايىن ەكەنىمىزدى تاعى دا راستايدى. بۇل رەتتە قازاقستان تۇراقتىلىقتى وڭىرلىك ءارى جاھاندىق دەڭگەيدە ساقتاۋدى اسا ماڭىزدى مىندەت سانايدى.
