ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

37 ملرد تەڭگە. ق.ساتىبالدى قازاقتارعا ەمەس، كەمالعا سەنگەن

26 قىركۇيەك 2022 47
سىبايلاس جەمقورلىققا قارسى اگەنتتىك نازاربايەۆتىڭ نەمەرە ءىنىسى قايرات ساتىبالدىنىڭ سىبايلاسىنا ىزدەۋ جاريالادى.

انتيكور تاراتقان اقپارات بويىنشا 1983 جىلى تۋعان قازاقستان ازاماتى ەفەندي كەمال اباقتىدا جاتقان ساتىبالدىنىڭ اسا سەنىمدى ادامى بولعان. ول ساتىبالدىعا قاراستى ءبىرقاتار كوممەرسيالىق كاسىپورىنداردىڭ قۇرىلتايشىسى جانە ديرەكتورى.

ەفەنديدىڭ قىلمىستىق ءرولى كەدەن سالاسىنداعى ماسەلەلەردى شەشۋ، قىلمىستىق جولمەن الىنعان اقشانى جانە باسقا دا مۇلىكتى زاڭداستىرۋ (جىلىستاتۋ) بولعان.

ول ءۇشىن وعان ق.ساتىبالدى ۇلى شوتتان اقشا الۋعا سەنىمحات بەرگەن.

مىسالى، ەفەنديدىڭ ءبىر ەپيزودى بويىنشا عانا 2018 جىلدىڭ شىلدەسى مەن تامىز ايىنىڭ 3 كۇن ىشىندە ق.ساتىبالدى ۇلىنىڭ جەكە شوتىنان قولما-قول 37 ملرد. تەڭگە جانە 62 ملن. اقشا العان.


اگەنتتىكتىڭ دەرەگىنشە، ەفەندي بيىلعى جىلدىڭ اقپان ايىنان باستاپ  قازاقستاننان تىس جەرلەردە جاسىرىنىپ، قىلمىستىق قۋدالاۋ ورگانىنا كەلۋدەن جالتارىپ ءجۇر.

ونىڭ قۇقىققا قارسى ارەكەتتەرى ق ر قىلمىستىق كودەكسىنىڭ 218-بابىنىڭ 3-بولىگى 3-تارماعى بويىنشا سارالانىپ، ىزدەۋ جاريالانعان.

“ال ق.ساتىبالدىۇلىنا قاتىستى بيۋدجەتكە تولەنەتىن باسقا دا مىندەتتى تولەمدەردى تولەۋدەن جالتارۋ، سونداي-اق قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋ (جىلىستاتۋ) فاكتىلەرى بويىنشا سوتقا دەيىنگى تەرگەۋ جالعاسۋدا”، – دەيدى انتيكور. ءبىر قىزىعى، ساتىبالدىنىڭ قاڭتار قىرعىنىنا قاتىسى بار-جوعى اشىق ايتىلماي جاتىر. اۋەلدە ونى سول وقيعا بويىنشا ايىپتى دەپ قۇرىقتاعان بولاتىن.
بۇل ماقالا تۋرالى نە ويلايسىز؟