ازامات ساتىبالدى، اكتەر، ع.مۇسىرەپوۆ اتىنداعى جاستار مەن بالالار تەاترىنىڭ ديرەكتورى
وڭ وزگەرىستەر كەزەڭىندە تۇرمىز
– شىنىن ايتۋ كەرەك، بيىل مەملەكەتىمىز ءۇشىن ۇلكەن وزگەرىستەر كەزەڭى بولۋدى. ساياسي رەفورمالار باعىتىنىڭ نىعايعانىن اڭعاردىق. سونىڭ ءبىرى ءارى ەڭ باستىسى – قاراشادا وتكەلى تۇرعان كەزەكتەن تىس پرەزيدەنت سايلاۋى. مەملەكەت باسشىسى قاسىم-جومارت توقايەۆ 1 قىركۇيەكتەگى جولداۋىندا كەزەكتەن تىس پرەزيدەنت سايلاۋى وتەتىنىن حابارلاعاندا تاڭىرقاعانىمىز راس. «نەگە، نە ءۇشىن؟» دەگەندەي ساۋالدار بولدى. الايدا مۇنىڭ ماڭىزدى ءمانى بار ەكەنىن كەيىن ۇعىندىق. ويتكەنى جان-جاعىمىز الاساپىران، الىس-جاقىن ەلدەردە نەبىر قاقتىعىستار بولۋدا. تاياۋ ارادا توقتاعاننىڭ وزىندە، زيانى كوپكە ۇزايدى. سوندىقتان ەلىمىز الدىن الا قامدانىپ، ەل باسقاراتىن كوشباسشىسىن تاڭداپ الىپ، جۇيەلى ىستەرگە كوشكەنى ءجون. ياعني، پرەزيدەنت سايلاۋىنىڭ كەزەكتەن تىس ءوتۋى – زاڭدىلىق.
قانداي دا وڭ وزگەرىستەر بولىپ جاتسا، ونىڭ حالىق ءۇشىن اتقارىلىپ جاتقانىن ەسكەرگەن دۇرىس. «بيلىك – حالىقتىڭ ايناسى» دەيمىز، ەل بيلىگى ساياسي رەفورمالار ارقىلى ادىلدىكتى تۋ ەتىپ، قارقىندى جۇمىس اتقارسا، حالىقتىڭ دا بيلىككە دەگەن سەنىمى ارتىپ، اۋىزبىرشىلىگى نىعايادى. سايلاۋدىڭ ماڭىزدى ەكەنىن جۇرتشىلىق بىلەدى، حالىق ءوز تاڭداۋىن جاساۋعا ايرىقشا بەلسەنىپ، ءمان بەرەدى دەپ ويلايمىن. پرەزيدەنتتى سايلاپ العاننان كەيىن مەملەكەتىمىز ءۇشىن جاڭا كەزەڭنىڭ پاراعى اشىلاتىنى ءسوزسىز. قارقىندى دامۋدىڭ، ساياسي رەفورمالارعا نەگىزدەلگەن وڭ وزگەرىستەردىڭ، قۋانتار جاڭالىقتاردىڭ كوپ بولاتىنى كۇمانسىز.
