بۇل تۋرالى الماتى اكىمىنىڭ ورىنباسارى ارمان قىرىقبايەۆ مالىمدەدى. ونىڭ ايتۋىنشا، ءبىر اپتاعا جۋىق ۋاقىتتا مەگاپوليسكە وسىنشا رەسەيلىكتىڭ كەلۋى ۇلكەن كورسەتكىش ەمەس. سونداي-اق ول مەملەكەتتىك مەكەمەلەر، ونىڭ ىشىندە كوشى-قون قىزمەتى جاعدايدى باقىلاۋدا ۇستاپ وتىرعانىن ايتتى.
"26 قىركۇيەكتە جسن الۋعا 2070 شەتەلدىك جۇگىنسە، كەلەسى كۇنى 1700 ادام بولدى. مەگاپوليستە شەتەلدىكتەر سانى ارتقان جاعدايدا ازاماتتارعا كەدەرگى كەلتىرمەيتىندەي قىزمەت كورسەتۋ ءۇشىن قوسىمشا ورىن بولىنەدى. جۇرگىزىلگەن مونيتورينگ ناتيجەسىندە قالاداعى حوستەلدەر مەن جاتاقحانالاردا 1000-نان اسا بوس توسەك ورىن بارى انىقتالدى. قاجەت بولعان جاعدايدا 2000-عا جۋىق توسەك ورىندى ورنالاستىرۋعا بولادى"، — دەدى ارمان قىرىقبايەۆ.
