ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"تەرروريست دەگەن قوڭىراۋىم بار"

28 قىركۇيەك 2022 48
بەلگىلى عالىم، تەحنيكا عىلىمدارىنىڭ دوكتورى سايات ىبىراي تۇرمەدەن كەيىنگى ءومىرى تۋرالى سىر شەرتتى. ول 2011 جىلى "قىلمىستىق توپ قۇردى" دەگەن ايىپپەن 12 جىلعا باس بوستاندىعىنان ايىرىلعان بولاتىن، دەپ حابارلايدى الاش سايتى.


اتىشۋلى "سوپىلار ءىسى" بويىنشا سوتتالىپ، 2018 جىلى شارتتى تۇردە بوساپ شىققان پروفەسسور سايات ىبىراي بۇل تۋرالى "قاسقا جول" باعدارلاماسىندا ايتتى.




سۇحبات بارىسىندا ول تۇرمەدە كورگەن قيىندىقتارىن جانە بوستاندىققا شىقسا دا ءالى كۇنگە دەيىن ءتۇرلى كەدەرگىلەرگە تاپ بولىپ جۇرگەنىن ايتتى. ويتكەنى "تەرروريست" دەگەن اتى قاراپايىم قۇجات راسىمدەۋدە دە قيىندىقتار تۋعىزادى ەكەن.




"قازاتومپروم" دەگەن كومپانيامەن كەلىسىمشارت جاساسىپ جۇمىس ىستەپ جاتىرمىن. ءبىراق جۇمىس بارىسىمەن قالادان شىعۋ دەگەن مەن ءۇشىن ۇلكەن ماسەلە. ءىسساپاراعا شىعۋ ءۇشىن اۋداندىق پوليسيا بولىمىنە بارىپ تۇسىندىرەسىڭ، ءبىراق رۇقسات بەرمەيدى. ويتكەنى مەنىڭ تەرروريست دەگەن قوڭىراۋىم بار. وزدەرىنىڭ تەرمينىندە "قىزىل ەكران" دەپ اتالادى. سەبەبى مەن تۋرالى مالىمەتتى قاراعاندا، ەكراننان تەرروريست دەگەن جازۋ اتىپ شىعادى. ال ولار ودان شوشيدى. نە قۇجاتتارىڭدى راسىمدەي المايسىڭ، كولىك جۇرگىزەيىن دەسەڭ سەنىمحاتتى دا الا المايسىڭ. بىلتىر مەملەكەتتىك باعدارلامامەن ءۇي الاتىن مۇمكىندىك بولدى. ءبىراق وعان دا قول جەتكىزە المادىم. سەبەبى كەز كەلگەن نوتاريۋس "باسىمىز ەكەۋ ەمەس" دەپ ماعان قىزمەت كورسەتۋدەن باس تارتادى. ءوز اتىمدا ءۇي جوق. وسى الماتىداعى شەشەمنىڭ ۇيىندە تۇرىپ جاتىرمىن. ءبىراز بەدەلى بار جىگىتتەر كومەكتەسەمىز دەپ ورتاعا ءتۇسىپ كورىپ ەدى، ولار دا تۇك شەشە المادى"، — دەدى سايات ىبىراي.

بۇل ماقالا تۋرالى نە ويلايسىز؟