ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«قايتارىلىپ جاتقان جەرلەر – مال جايۋعا ىڭعايسىز، قۋ دالا» - ەكس دەپۋتات

15 جەلتوقسان 2023 34
پارلامەنتتەگى دەپۋتاتتاردى نەگىزىنەن ەكىگە بولۋگە بولادى. ۇلتى ءۇشىن قام جەگەندەر جانە اتاعى ءۇشىن نان جەگەندەر. سول نان جەيتىندەردىڭ سانى، قام جەيتىندەردەن كوپ بولىپ تۇرعانى بىزگە ءالى كاسىبي پارلامەنت قۇرۋدا قول بايلاۋ بولىپ كەلە جاتقان جوق پا دەگەن ساۋال قيال كوكجيەگىندە قىلاڭ بەرەدى ەكەن.

جاقىندا ءماجىلىستىڭ بۇرىنعى دەپۋتاتى بەرىك ءسالىمجان ۇلى دۇيسەمبينوۆ «Usbanov ARNASY» YouTube ارناسىنىڭ «سارسەنبىدەگى ساۋال» پودكاستىنا سۇحبات بەردى.

سۇحباتتا سپيكەر قازاقتى تولعاندىرعان سايلاۋ، ساياسي كۇرەس ءھام ەركىن ءسوز، كاسىپكەرلىك قاتىستى: «ماجىلىستە فراكسيا دەپۋتاتتارى مەن پارتيا اراسىنداعى بايلانىسى جوق پارتيالار بار»، «3 ملن قازاق سۇراۋسىز قىرىلىپ قالعان جوق»، «قايتارىلىپ جاتقان جەرلەر – مال جايۋعا ىڭعايسىز، قۋ دالا»، «ماجىلىستەگى دەپۋتاتتىق – اكەمنەن قالعان ورىن ەمەس»، «الدىڭعى سايلاۋلار ۇرلىق بولسا، بۇل جولعىسى – توناۋ بولدى»، «كرەسلولار اۋىسىپ، مينيسترلىك اتاۋلارى وزگەرگەنىمەن، كادرلار سول قالپىندا»، «قولىنان ۇستاپ، قىلمىسىڭ دالەلدەگەننىڭ وزىڭدە جۇمىستان كەتپەي وتىرعاندار بار»، «تۇسىنگەنىم – دەپۋتاتتىڭ قولىندا ناقتى بيلىك بولماي، ەشتەڭە شەشىلمەيدى» جانە  «ءبىزدىڭ ۇكىمەت نە ولتىرە الماي، نە تىرىلتە الماي وتىر!»، -  دەپ وزىندىك تۇيىندەۋلەر جاسايدى.

سونىمەن قاتار، بيلىككە جامباستارى جابىسىپ قالعاندار دا سپيكەر بەرىك دۇيسەمبينوۆتىڭ نازارىنا تىس قالمادى. بىزدىكى تەك قوعامدى تولعاندىرعان تالاي ماسەلەگە تولىمدى جاۋاپ بەرگەن بەرىك ءسالىمجان ۇلىنىڭ سۇحباتىن وقىرماندارىمىزدىڭ نازارىنا ۇسىنۋ. مارحابات...
بۇل ماقالا تۋرالى نە ويلايسىز؟