ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ماميندە دىم "جوق"، باۋىرلارى باي

15 جەلتوقسان 2023 50
2022 جىلى قاڭتار وقيعاسىنان كەيىن قىزمەتىنەن كەتكەن قازاقستاننىڭ بۇرىنعى پرەمەرى اسقار مامين اقپارات ايدىنىنان كورىنبەي تاسادا قالدى. ءقازىر ول ەلەۋسىز قىزمەت اتقارادى ەكەن. قازاقستاننىڭ گەوگرافياسىن، تابيعاتىن جانە مادەنيەتىن ناسيحاتتايتىن Qazaq Geography اتتى قوعامدىق ۇيىمدى باسقارادى، – دەپ حابارلايدى NEGE.kz «ۆىحود ك موريۋ» تەلەگرام كانالىنا سىلتەمە جاساپ.  

جۇرت ىزدەمەسە دە، ونىڭ ەسىمى بىرنەشە مارتە داۋلى ىستەردە قىلاڭ بەرىپ قالىپ ءجۇر. سونىڭ ىشىندە «وپەراتور روپ»-تاعى (ەلىمىزدەگى ۋتيليزاسيا بيزنەسىن مونوپولياعا اينالدىرعان تۇڭعىش پرەزيدەنتتىڭ قىزى ءاليا نازاربايەۆانىڭ كومپانياسى) جانە اۋىلشارۋاشىلىق تەحنيكاسىن ۋتيليزاسيالايتىن زاۋىتتاعى ۇرلىقتى تەرگەۋ دە بار. دەيتۇرعانمەن، اتىشۋلى ىستەردە جاۋاپقا تارتىلعان جوق.

قاراشا ايىندا سىبايلاس جەمقورلىققا قارسى قىزمەت «اسقار ءماميننىڭ اكتيۆتەرىنىڭ زاڭدىلىعىن تەكسەرۋگە ەشقانداي نەگىز جوق» دەپ مالىمدەگەن-دى.



راسىندا دا، اسقار ءماميننىڭ وزىندە تەكسەرەتىندەي ارتىق دۇنيەسى جوق. ەسەسىنە، ونىڭ باۋىرلارى شەتەلدەگى اسا قىمبات جىلجىمايتىن مۇلىكتەر مەن فيرمالاردىڭ يەسى بولىپ شىقتى. ايتالىق، ەكس-پرەمەردىڭ باۋىرى مارات مءاميننىڭ استانادا «ەۋرازيا» اتتى ءىرى ساۋدا ورتالىعى عانا بار. ال شەتەلدە شە؟

2000-جىلداردىڭ باسىندا مارات مامين اقش-تىڭ شىعىس جاعالاۋىندا فلوريداعا قونىس اۋدارماق بولادى. ءبىراق بۇل قادامى ساتسىزدىككە ۇشىراعان. 2008 جىلى، ياعني باۋىرى قازاقستان تەمىر جولىن باسقارىپ تۇرعان كەزدە، مارات مامين باتىسقا العاش رەت «جورىق» جاساۋعا ۇمتىلادى. فلوريدا قالاسىندا Alerma-Eurasia LLC ي EuroAsia-Alerma، Inc اتتى ەكى فيرما اشىپتى. بۇل ەكى كومپانيا مۇحيتتىڭ جاعالاۋىنداعى عاجايىپ سارايدا ورنالاسقان. ەكى قاباتتى وسى عيماراتتا التى جاتىن بولمە، التى جۋىنۋ بولمەسى، كامين، باسسەين جانە ەكى كولىك تۇراعى بار. جالپى اۋماعى –  770 شارشى مەتر. مامين ونى 8،2 ملن اقش دوللارىنا ساتىپ الادى.

دەسە دە، بۇل عيمارات يەسىنە بەرەكە اكەلمەدى. باستاپقى باعاسىن 11 ملن اقش دوللارى دەپ كورسەتكەنىمەن، نەبارى 6،5 ملن دوللارعا ساتىپ قۇتىلعان. 2009 جىلى مارات مامين مەن ونىڭ جۇبايى گۇلميرا فلوريدادان تەرەزەسى تەڭىزگە قاراعان ەكى پاتەر ساتىپ العان.  ەكى پاتەردىڭ شاعىنداۋىن ولار 500 مىڭ دوللارعا ساتقان. اۋدانى – 278 شارشى مەتر،  ءۇش جاتىن بولمەسى جانە ءۇش جۋىنۋ بولمەسى بار، ميلليون دوللارعا العان ەكىنشى پاتەرىن ريەلتورلار ءقازىر 2 ملن دوللارعا باعالاپ وتىر.

وسى ۋاقىت ىشىندە مارات مامين تاعى ءبىر سارايعا «تىركەلەدى». ول ءۇي اناۋ-مىناۋ ەمەس، الەمگە ءماشھۇر Disney World ورنالاسقان ورلاندا قالاسىنىڭ شەتكى اۋداندارىندا، وليۆيا اتتى شاعىن كولدىڭ جاعاسىندا تۇر. جەر تەلىمى – 20 سوتىق، شاعىن كەمەگە ارنالعان ايلاعى جانە بار. ءۇيدىڭ اۋدانى – 550 شارشى مەتر ەكەن. التى جاتىن بولمەسى جانە ۆاننا بولمەسى، قوناق بولمە جانە ۇلكەن اشىق باسسەيىنى بار. سوڭعى رەت بۇل ءۇي 2004 جىلى 1،3 ملن دوللارعا ساتىلىپتى. قازىرگى باعاسى 2،5 ملن دوللار شاماسىندا.

ايتا كەتەتىن جايت، اسقار ءماميننىڭ تۋىستارى شىعىس ەۋروپادا دا بيزنەس جۇرگىزۋگە ۇمتىلىپتى. ءبىراق چەحيا مەن سلوۆاكيادا اشقان كومپانيالارىنىڭ تاسى ورگە دومالاي قويماعان.

«ويتكەنى، بۇل ەلدەردىڭ جوعارى لاۋازىمدى شەنەۋنىكتەرىنىڭ اراسىندا بىردە-بىر تۋىستارى بولماعان-اۋ»، – دەپ كەكەتەدى  تەلەگرام ارنا.



دەسە دە، ماراتتىڭ بالاسى ەرنار ۇلىبريتانيادا بىرنەشە فيرمانىڭ قوجايىنى ەكەنى بەلگىلى بولىپ وتىر. ءبىراق ول جەردە كوپ تۇراقتاپ، تابىسقا جەتە قويماعان. ەرنار ءماميننىڭ ۇلىبريتانياداعى تۇراتىن ءۇيى دە وسال ەمەس. تەرەزەسىنەن لوندوننىڭ اتاقتى گايد پاركى كورىنەتىن عاجايىپ تاۋنحاۋس. ءبىر پاتەرى 8،5 ملن فۋنت ستەرلينگ، ەكىنشىسى 6 ملن فۋنت ستەرلينگ تۇرادى. بريتانيالىق رەەستردە ماميندەردى بۇل جىلجىمايتىن مۇلىكتى جالعا العانى كورسەتىلىپتى.

ال ەندى ەكس-پرەمەر اسقار ءماميننىڭ شەتەلدە دۇنيە-مۇلكى مەن ەسەپشوتى جوق دەگەنگە سەنەسىز بە؟ ىندەتىپ زەرتتەيتىن-اق تاقىرىپ ەكەن. 
بۇل ماقالا تۋرالى نە ويلايسىز؟