ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قايرات ساتىبالدىنىڭ تۇتقىندالعان cءاتى جەلىدە جاريالاندى

13 ناۋرىز 2022 87

قازاقستاننىڭ ەكس-پرەزيدەنتى نۇرسۇلتان نازاربايەۆتىڭ نەمەرە ءىنىسى قايرات ساتىبالدى تۇتقىندالعان ءساتى جەلىدە جاريالاندى.

بۇل تۋرالى ساياساتكەر ەربول ەدىلوۆ ءوزىنىڭ Telegram-ارناسىندا حابارلادى.

ەسكە سالساق، سىبايلاس جەمقورلىققا قارسى قىزمەت قازاقستاننىڭ ەكس-پرەزيدەنتى نۇرسۇلتان نازاربايەۆتىڭ نەمەرە ءىنىسى قايرات ساتىبالدى ۇلىنىڭ قاماۋعا الىنعانىن حابارلادى.

انتيكور «قازاقتەلەكوم» اق-نىڭ قىزمەتتىك وكىلەتتىگىن اسا ءىرى كولەمدە اسىرا پايدالانۋ جانە قارجىسىن جىمقىرۋ فاكتىلەرى بويىنشا قىلمىستىق ءىستى تەرگەپ جاتىر.

«وسى قىلمىستاردى جاسادى دەگەن كۇدىكپەن قايرات ساتىبالدى ۇلى ۇستالىپ، ۋاقىتشا ۇستاۋ يزولياتورىنا قامالدى. ق.ساتىبالدى ۇلىنىڭ مەملەكەت قاۋىپسىزدىگىنە نۇقسان كەلتىرەتىن باسقا دا قىلمىستارعا قاتىستىلىعى تەكسەرىلۋدە» دەلىنگەن حابارلامادا.

جۋرناليست ميحايل كوزاچكوۆتىڭ ايتۋىنشا، «انتيكور» قىزمەتكەرلەرى قايرات ساتىبالدىۇلىن ەلدەن شىقپاق بولعان كەزدە ۇستاعان.

بۇعان دەيىن ساتىبالدى ۇلىنىڭ «قازاقتەلەكوم» اكسيونەرلىك قوعامىنىڭ 24 پايىزدان استام اكسياسىنا يەلىك ەتەتىن Skyline Investment Company S.A. وففشورلىق كومپانياسىنىڭ نەگىزىن قالاۋشى ەكەنى حابارلانعان بولاتىن.



دەرەككوز
بۇل ماقالا تۋرالى نە ويلايسىز؟