الماتىدا ۇستالعان قايرات ساتىبالدى نۇرسۇلتان نازاربايەۆتىڭ نەمەرە ءىنىسى، سوڭعى جىلدارى كاسىپكەر رەتىندە تانىلعان.
قازتاگ حابارلاۋىنشا، ول كاسىپكەرلىكپەن بىرگە ۇزاق جىلدار ارنايى قىزمەتتە جۇمىس ىستەگەن.
قايرات ساتىبالدى – قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ اعاسى ساتىبالدى نازاربايەۆتىڭ ۇلى. ساتىبالدى نازاربايەۆ 1981 جىلى جول اپاتىنان قازا تاپقان. قايرات ساتىبالدىنىڭ اناسى سۆەتلانا نازاربايەۆا «ءداۋىر» باسپاسىنىڭ باس ديرەكتورى. قايرات ساتىبالدىنىڭ ءىنىسى سامات ءابىش قاڭتار ايىنىڭ باسىنداعى قايعىلى وقيعادان كەيىن ق ر ۇلتتىق قاۋىپسىزدىك كوميتەتى (ۇقك) ءتوراعاسىنىڭ ءبىرىنشى ورىنباسارى قىزمەتىنەن بوساتىلعان.
قايرات ساتىبالدىنىڭ ءوزى دە ۇزاق جىلدار ارنايى قىزمەتتە قىزمەت ەتكەن:
- 1991-1998 جىلدارى ۇقك-دە وفيسەر؛
- 1998-2000 جىلدارى استانا قالاسى اكىمىنىڭ ورىنباسارى؛
- 2000-2003 جىلدارى «قازاق مۇناي» ۇلتتىق كومپانياسىنىڭ ۆيسە-پرەزيدەنتى؛
- 2003-2005 جىلدارى قايتادان ۇقك-دە باسشىلىق قىزمەتتەردى اتقاردى؛
- 2005-2006 جىلدارى بىردەن «قازاقستان تەمىر جولى» ۇلتتىق كومپانياسى» اق-نا كەتىپ، ۆيسە-پرەزيدەنت قىزمەتىن اتقاردى.
- 2006-2010 جىلدارى «دۇنيە» كورپوراسياسى» اق ديرەكتورلار كەڭەسىنىڭ ءتوراعاسى؛
- 2010-2015 جىلدارى «نۇر وتان» پارتياسىنىڭ حاتشىسى؛
- 2015 جىلدان باستاپ ول Alatau Capital Invest باسقارۋشى سەرىكتەسى رەتىندە تىركەلگەن.
سونىمەن بىرگە ول قازاقستاننىڭ ۇلتتىق سپورت تۇرلەرى قاۋىمداستىعىن، حالىقارالىق «كوك-بورۇ» فەدەراسياسىن جانە رەسپۋبليكالىق «اق وردا» قوزعالىسىن باسقارادى.
كەيبىر مالىمەتتەرگە سايكەس، قايرات ساتىبالدى ۇستالعان قارجى جىمقىرۋ ءىسى بويىنشا «قازاقتەلەكوم» اق بارلىق اكسيالارىنىڭ 22،01%-ىنا يەلىك ەتەتىن Skyline Investment Company S.A. وففشورلىق كومپانياسىنا يەلىك ەتەدى. سونداي-اق ونىڭ 2018 جىلعا دەيىن Kaspi Bankء-تىڭ ءىرى ۇلەسىنە يە بولعانى بەلگىلى.
ايتا كەتسەك، قازاقستاندىق حالىقارالىق ادام قۇقىقتارى جانە زاڭدىلىق بيۋروسىنىڭ سايتىندا 2010 جىلعى 11 قاراشاداعى «قازاقستان: بيلىكتەگى «سالافيتتەر»» ماتەريالى جاريالانعان، وندا ساتىبالدى ءسالافيزمنىڭ مەسەناتى دەپ اتالادى.
«مەملەكەت باسشىسىنىڭ تۋىسى توقسان سايىن «سالافيلەر» قورىنا 50 مىڭ دوللار اۋدارىپ تۇرادى. ونىڭ ۇستىنە ساتىبالدىعا جاقىن ادامداردىڭ ايتۋىنشا، جازدا الماتى وبلىسىنىڭ قۇششى اۋىلىندا سالافيلەرگە ارناپ تاعى ءبىر مەشىت سالىپ بەرگەن» دەلىنگەن ماقالادا.
ەسكە سالساق، ساتىبالدى قىزمەتتىك وكىلەتتىگىن اسىرا پايدالانۋ جانە اسا ءىرى كولەمدە «قازاقتەلەكوم» اق قارجىسىن جىمقىرۋ فاكتىلەرى بويىنشا ۇستالىپ، ۋاقىتشا ۇستاۋ يزولياتورىنا قامالدى. ساتىبالدىنىڭ مەملەكەت قاۋىپسىزدىگىنە نۇقسان كەلتىرەتىن باسقا دا قىلمىستارعا قاتىستىلىعى دا ءقازىر تەكسەرىلىپ جاتىر.
دەرەككوز
