جەمقورلىققا قارسى ءىس-قيمىل اگەنتتىگى 13 ناۋرىزدا "قازاقتەلەكوم" اق قوماقتى قارجىسىن جىمقىردى جانە قىزمەتتىك وكىلەتىن اسىرا پايدالاندى دەگەن كۇدىكپەن قايرات ساتىبالدى(ۇلى)نىڭ ۇستالىپ، ۋاقىتشا قاماۋ يزولياتورىنا قاماۋعا الىنعانىن حابارلادى.
"قايرات ساتىبالدى ۇلىنىڭ مەملەكەت قاۋىپسىزدىگىنە نۇقسان كەلتىرەتىن وزگە دە قىلمىستارعا قاتىسى تەكسەرىلىپ جاتىر. تەرگەۋ جالعاسىپ جاتىر" دە جازىلعان اگەنتتىك حابارلاماسىندا.
ەكس-پرەزيدەنت نۇرسۇلتان نازاربايەۆتىڭ نەمەرە ءىنىسى 51 جاستاعى قايرات ساتىبالدى ۇلى "Kaspi.kz" اق نەگىزگى اكسيونەرلەرىنىڭ ءبىرى (30%)، Alatau Capital Invest ارقىلى "قازاقتەلەكومدا" ۇلەسى بار.
ءار جىلدارى مەملەكەتتىك قىزمەتتە ىستەگەن. 2000 جىلدارى استانا قالاسى (قازىرگى – نۇر-سۇلتان) اكىمىنىڭ ورىنباسارى، "KazakhOil" كومپانياسىنىڭ ۆيسە-پرەزيدەنتى، "قازاقستان تەمىر جولى" كومپانياسىنىڭ ءبىرىنشى ۆيسە-پرەزيدەنتى بولعان. 2010-2015 جىلدارى اعاسىنىڭ — پرەزيدەنتتىكتەن كەتسە دە، بيلىككە ىقپالىن ساقتاۋعا تىرىسقان بۇرىنعى پرەزيدەنت نۇرسۇلتان نازاربايەۆتىڭ "نۇر وتان" پارتياسىندا حاتشى بولدى.
Forbes جۋرنالى 2018 جىلى ونى قازاقستانداعى ەڭ ىقپالدى 50 كاسىپكەردىڭ قاتارىنا جاتقىزعان. جۋرنال سول جىلى ونىڭ بايلىعىن 163 ملن دوللارعا باعالاعان.
بۇعان دەيىن ونىڭ ەسىمى وفشور قۇجاتتارى اشكەرەلەنگەن كەزدە اتالعان.
