ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

پۋتين ۋكراينامەن كەلىسىمگە كەلۋدىڭ امالىن جاساپ جاتىر

28 اقپان 2022 73
رەسەي ۋكراينامەن كەلىسسوز جاساۋ ءۇشىن بەلورۋسسياعا ارنايى دەلەگاسياسىن جىبەردى. بۇل جايلى رف پرەزيدەنتىنىڭ باسپا ءسوز حاتشىسى دميتريي پەسكوۆ حابارلادى.



ونىڭ ايتۋىنشا، رەسەي دەلەگاسياسى ءقازىر بەلورۋسسياعا كەلىپ ءتۇستى. ەندى ۋكراين ەلشىلىگىن كۇتىپ وتىرسا كەرەك.

پەسكوۆتىڭ ايتۋىنشا، دەلەگاسياعا سىرتقى ىستەر مينيسترلىگى مەن قورعانىس مينيسترلىگىنىڭ، باسقا دا ۆەدومستۆانىڭ وكىلدەرى ەنگەن. اراسىندا پرەزيدەنت اكىمشىلىگىنىڭ قىزمەتكەرلەرى دە بار.

بەلورۋسسيا سىرتقى ىستەر مينيسترلىگىنىڭ حابارلاۋىنشا، كەلىسسوزدەر گومەل قالاسىندا وتپەك ءارى مينسك بيلىگى "پروتوكولعا تۇسەتىن ماسەلەنىڭ ءبارىن دايىنداپ قويعان"

كييەۆ بيلىگى كرەملمەن كەلىسسوز جۇرگىزۋگە كەلىسكەن بە الدە جوق پا – ول جاعى بەلگىسىز.

ايتا كەتەيىك، ۋكراينا پرەزيدەنت اكىمشىلىگى اسكەري وپەراسيانىڭ العاشقى كۇندەرىندە كەلىسسوزگە كەلۋگە دايىن ەكەنىن جەتكىزگەن. الايدا كرەمل اكىمشىلىگى بۇل مالىمدەمەگە سەنۋدەن باس تارتتى. كەيىن بەلورۋسسيادا كەلىسسوز جۇرگىزۋگە دايىن ەكەنى جايىندا مالىمدەمە تاراتتى. ەندى بۇگىن كەلىسسوز جۇرگىزىپ، اسكەري وپەراسيالاردى تۇيىندەۋگە دايىن سياقتى.
بۇل ماقالا تۋرالى نە ويلايسىز؟