ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سوعىستىڭ بەسىنشى كۇنى...

28 اقپان 2022 88
رەسەيدىڭ ۋكرايناعا سوعىس اشقانىنا بەسىنشى كۇنى. رەسەي اسكەرى و باستا قويعان ماقساتتارىن تولىققاندى ورىنداي المادى. 



بليسكريگ ىسكە اسپادى. كييەۆتى ءبىر كۇندە الامىز دەگەن جوسپارلارى دا تاس تالقان بولدى. رەسەي اسكەرى حاركوۆ، سۋمى، حەرسون بويىندا توقتاتىلدى. ال كييەۆ ماڭىنا بىرنەشە مارتە جىبەرگەن دەسانتتىق كۇشتەرى گوستومەل بويىندا تالقاندالدى. رەسەي كييەۆتى الۋ ماقساتىندا قادىروۆ كۇشتەرىن دە قولدانۋدا. ناقتىلاپ ايتقاندا قادىروۆقا باعىناتىن 10 مىڭ جاساق ۋكراينا اۋماعىندا سوعىسۋدا. سونىمەن بىرگە "ۆاگنەر" جەندەتتەرى دە ۋكراينا جەرىنە كەلگەنى جايلى اقپاراتتار بار.

سوعان قاراماستان ءىرى قالالاردى باسىپ الۋ ىسكە اسپادى. اسكەري شىعىن 4 مىڭ ادامنان اسادى، جۇزدەگەن تەمىر-تەرسەگىن قوسپاعاندا.



رەسەيدىڭ اگرەسسياسى ءۇشىن الەم جازالاۋدى باستاپ كەتتى. ەكونوميكا سالاسى بويىنشا وڭدىرماي سانكسيالار سالىپ جاتىر. ەۋروپا ەلدەرى ماسكەۋدىڭ ءبىرقاتار بانكتەرىن SWIFT-تەن اجىراتۋ تۋرالى شەشىم شىعاردى. بۇعان دەيىن بۇل شەشىمگە گەرمانيا مەن ۆەنگريا قارسى بولىپ كەلگەن ەدى. ەندى ءبىراۋىزدان قولدادى.

جەكەلەگەن تۇلعالارعا دا ساگكسيالار سالىنا باستادى. پۋتين مەن شويگۋ-دەن باستاپ وزگە دە ءىرى شەنەۋنىكتەر سانكسيا استىندا قالدى. ەۋروپاداعى رەسەيلىك وليگارحتاردىڭ مۇلىكتەرى مەن اكتيۆتەرى، قارجىلارى بۇعاتتالدى. رەسەي بانكتەرىنە سالىنعان سانكسيالار قارجىلىق سەكتورىنىڭ جارتىسىنا تەڭ اكتيۆتى بۇعاتتادى.

ەۋروپا ەلدەرى اگرەسسور ءۇشىن اۋە كەڭىستىگىن تولىق جاپتى. رەسەيگە سوڭعى ۇلگىدەگى كولىكتەر مەن جوعارى تەحنولوگيانى جەتكىزبەۋ ماسەلەسى قارالۋدا. ەۋروپا ەلدەرى ءوز پورتتارىن رەسەي ءۇشىن جاۋىپ تاستاماق. سانكسياعا تەك قانا ەۋروپا مەن اقش ەمەس، سونىمەن بىرگە كانادا، وڭتۇستىك كورەيا، جاپونيا دا قوسىلدى.

الەمنىڭ وركەنيەتتى ەلدەرى رەسەيدى وقشاۋلاۋدى تولىق قولداپ وتىر. رەسەيدىڭ وزىندە پۋتينگە قارسى نارازىلىق اكسيالارى وتۋدە. ال سپورتتىق ۇيىمدار مەن ءان بايقاۋلارى رەسەيلىك ونەرپازداردى جارىستاردان الىپ تاستاۋدا نەمەسە رەسەي تۋى مەن گيمنىن قولدانۋعا تىيىم سالدى.

ۋكراينا بىرنەشە رەسەيلىك شابۋىلدى ءساتتى تويتارعانىن مالىمدەپ، ەۋروپا ەلدەرىنەن قارۋ بەرۋدى سۇرادى. ناتو كييەۆكە ءتۇرلى قارۋ جەتكىزۋدى ماقۇلدادى، سونىڭ ىشىندە العاش رەتى ۇشاقتار مەن اۋە قورعانىس جۇيەلەرى دە بەرىلۋى مۇمكىن. سونىمەن قاتار ۋكراينا بيلىگى شەتەلدىك ەرىكتىلەر ۋكراينا ءۇشىن سوعىسام دەسە، ارنايى لەگيونداردىڭ قۇرىلۋىنا رۇقسات ەتتى. كييەۆ ءار اسكەري ءۇشىن ايىنا 100 مىڭ گريۆنا تولەمەك. "سوعىستى تولىق جەڭىسپەن اياقتاعانشا بۇل تولەم توقتاتىلمايدى" دەيدى زەلەنسكيي.

كۇتپەگەن جاڭالىق سوعىستىڭ ءتورتىنشى كۇنى بەلارۋس تاراپىنىڭ ۇيىمداستىرۋى بويىنشا رەسەي مەن ۋكراينا اراسىندا كەلىسسوزدەر وتەتىنى ايتىلدى. كەلىسسوز بەلارۋس جەرىندە وتپەك، الايدا ۋكراينالىق دەلەگاسيا قاۋىپسىزدىگىن قامتاماسىز ەتۋ ءۇشىن پولشا ارقىلى بارۋدى ۇيعارعان. سوندىقتان كەشە وتۋگە ءتيىس كەلىسسوزدەر بۇگىنگە قالدىرىلدى.
بۇل ماقالا تۋرالى نە ويلايسىز؟