بۇل تۋرالى ۋكراينالىق «24 كانال» تەلەارناسى حابارلادى.
قادىروۆ گۆاردياسىنىڭ 141ء-شى موتواتقىشتار پولكىنىڭ باستىعى ماگومەد تۋشايەۆتىڭ كوزى جويىلدى. گوستومەل ماڭىندا (كييەۆ وبلىسى) «قادىروۆتىقتارمەن» شايقاس كەزىندە ۋكراينا قارۋلى كۇشتەرى شەشەن اسكەريلەرىنە اۋىر سوققى جاسادى.
جوعارعى رادانىڭ حالىق دەپۋتاتى الەكسەي گونچارەنكو «Facebook» الەۋمەتتىك جەلىدەگى پاراقشاسىندا ۋكراينا ارمياسىنىڭ گوستومەلدەگى بولىمشەلەرى «قادىروۆتىقتار» تۇتقىنىن تىزە بۇكتىرگەن كۇيىندە العانىن اتاپ ءوتتى.
دەرەككوزدەر قاقتىعىس كەزىندە ۋكراينا اسكەرى بولىمشەلەرى شەشەنستان ۇلتتىق گۆاردياسىنىڭ 141ء-شى موتواتقىشتار پولكىنىڭ باستىعى شەشەن گەنەرالى ماگومەد تۋشايەۆتى جويعانىن حابارلادى. بۇل قادىروۆتىڭ ەليتالىق بولىمشەلەرىنىڭ ءبىرى.
«قادىروۆشىلار» پولكىنىڭ تالقاندالۋى جانە ماگومەد تۋشايەۆتىڭ قايتىس بولعانى تۋرالى اقپاراتتى ءوزىنىڭ Telegram-ارناسىندا كييەۆتى قورعاۋعا قاتىساتىن ۋكراين ۇلتشىلدارىنىڭ جەتەكشىسى ەۆگەنيي كاراس راستادى.
كەلىپ تۇسكەن اقپاراتقا سايكەس، ۋكراينا قارۋلى كۇشتەرىنىڭ ارتيللەرياسى شەشەن پولكىن جويدى. قازا تاپقان شەشەن جالدامالىلارىنىڭ مايىتتەرى گوستومەل ماڭىنان تابىلدى.
