ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«ديكيي ارماننىڭ» جۇبايى توقايەۆقا ۇندەۋ جولدادى

28 اقپان 2022 57
«ديكيي ارمان» لاقاپ اتىمەن تانىلعان قىلمىس الەمىنىڭ سەركەسى ارمان جۇماگەلدييەۆتىڭ جۇبايى ايكول الىكجانوۆا پرەزيدەنت قاسىم-جومارت توقايەۆقا بەينە ۇندەۋ جولدادى. ول قاڭتارداعى تارتىپسىزدىكتەرگە قاتىسى بار دەگەن ايىپپەن قاماۋعا الىنعان كۇيەۋىنىڭ ىسىنە وبەكتيۆتى كوزقاراسپەن قاراۋدى ءوتىندى. بۇل تۋرالى Bugin.kz پورتالى ديكيي ارماننىڭ جۇبايىنىڭ Instagram پاراقشاسىنا سىلتەمە جاساپ حابارلايدى.



- «قاڭتار وقيعالارى باستالعان ساتتە ءبىز قىزىمىز ەكەۋمىز ەمحانادا بولدىق. ارمان حابارلاسىپ، ميتينگ بولىپ جاتقانىن، ءبىراق ازىرگە تىنىش ەكەندىگىن ايتتى. ءبىراق ۇيگە بارۋىمدى سۇرادى. ۇيگە كەلگەن سوڭ، حالىقتىڭ كوپتەپ جينالىپ جاتقانىن، ميتينگتىڭ ۋشىعىپ باراتىنىن ايتتى. ول قوناق ۇيدە بولدى، بىزگە «ەشقايدا شىقپاڭدار» دەدى. ەگەر ايەلى مەن قىزى وقيعالاردىڭ قاق ورتاسىندا بولسا، ول مۇندايدى ۇيىمداستىرا ما؟» - دەيدى ايكول الىكجانوۆا.

ونىڭ ايتۋىنشا، ارمان حالىق پەن بيلىكتىڭ اراسىنداعى كيكىلجىڭدى شەشۋگە تىرىسىپ، ەلدى سابىرعا شاقىرۋ ءۇشىن الاڭعا شىققان. ول ارماننىڭ قيىنشىلىققا تاپ بولعان ادامدارعا ازىق-تۇلىك تاراتقانىن ەسكە سالدى.

- «كەز كەلگەن قىلمىستىڭ ءموتيۆى بولۋى كەرەك قوي. مەنىڭ كۇيەۋىم ءبىر مەزگىلدە ادامداردى تاماقتاندىرىپ، بەيبىت تۇرعىنداردى ۇستاپ، ولارعا قاستاندىق جاساۋى مۇمكىن بە؟ بۇل لوگيكاعا سىيمايتىن نارسە. مەنىڭ كۇيەۋىم ۇنەمى ءوز حالقى ءۇشىن ۋايىمدايدى. پاندەميا كەزىندە يۆل اپپاراتتارى مەن ءدارى دارمەك تاراتقانىن ۇيىتپايىق. سونداي-اق، ول تۇراقتى تۇردە 300-400 وتباسىعا اي سايىن كومەكتەسىپ وتىرادى. يسلامدا قايىرىمدى ءىستى جاريا ەتۋ كوزدەلمەگەن. ءبىراق الەۋمەتتىك جەلىدە وقىرمان سانى كوپ بولعاندىقتان، وزگەگە ۇلگى بولۋ ماقساتىندا كەي ىستەرىن كورسەتىپ وتىرادى»، - دەيدى ارماننىڭ جۇبايى.
بۇل ماقالا تۋرالى نە ويلايسىز؟